171. De Nativitate Domini.

1. A dextris Dei Dominus
Initio qui

sedet et in aevum,
Advenit nobis comminus
Hostem scabellum

ponens pedis saevum.
Ex Sion flos,
Dulcoris ros,

Virga viret amoene.

R Rosam spina parit

sanctam vere,
A qua gratiarum

fluunt venae,
Cui cor fidele

dicat bene.

2. Hic crevit et in tegimen
Nec non cunctorum

dominationem,
Caeli. terraeque regimen,
Abs labe viri

incarnationem
Cepit, ut nos
Essemus dos

Aeternitatis plene.

R Rosam spina parit

sanctam vere,
A qua gratiarum

fluunt venae,
Cui cor fidele

dicat bene.

3. Hic damna ligni reparat
Surgendo scandit

compar patri digno,
Viam salutis praeparat
Scelus ob nostrum

mori volens ligno.
Sis nobis dux,
Hostis ne trux

Orci nos iungat poenae.

4. Ut agnus insons mutuit
Coram tondente,

dixit Esaias,
Assa caro perduruit
In ligno crucis

torrido, Messias
Sic iuvet nos,
Ne Dytis os

Voret ardore plene.