189.

1. Ave, Sunanitis,

Lux Maria maris,
Verae vitae vitis,

Parens expers paris,

Ignaris
Sis praevia,
Ne curant per devia,

Amaris
Sis dulcis,

o virgo singularis.
2. Ave, Joseph vestis

Ad talos unita,
Quae, nam lex est testis,

Erat polymita,

Polita
Insigniis
Morum omnifariis,

Qua vita
Omnium

erat rerum vestita.
3. Ave, Jacob stella,

Quam dum prophetavit,
Sedens in asella

Balaam expavit,

Urbs David,
Quam Dominus
Omnium altissimus

Fundavit
Et ut vo-
luit inhabitavit.

4. Ave, quae superbiae

Fastum non sensisti,
Viperae letiferae

Caput contrivisti,

Tu Christi
Puerpera,
Virgo semper integra

Fuisti,
Dum Deum

cunctorum concepisti.

5. Ave, vivi pistica

Panis officina,
Vera, non sophistica

Mundi medicina,

Regina
Mirifica,
Nos tuos salvifica,

Divina
Gratia

conservans a ruina.

6. Ave, virgo pia

Et mater insignis,
Tanta prophetia

Et tot nota signis,

Cum dignis,
O domina,
Precibus nos nomina

Benignis,
Ne demum

damnemur cum malignis,