Funerum 187

V I I I . Colliges demum praesentem Resolutionem tamquam

generalem normam habendam esse post communis coemeterii

constitutiones.

A P P E N D I X III.

De relatione inter iura Parochorum et Regularium in ordine ad delationem Regularium defunctorum ad publicum coe- meterium.

In praecedenti causa funerum egimus de funebri associatione defunctarum monialium ad commune coemeterium: disputatum vide- licet est ad quem pertineret, an ad monialium Cappellanum seu Con- fessarium ducere earum funus, seu potius ad Parochum. Similis causa fuit pertractata apud S. C. Ç. die 24 ianuarii 1846, quae titulum habet Praedicatorum, solemnis associationis cadaveris. Cum autem huiusmodi causa habuerit simile responsum, operae pretium existimo hanc etiam per praecipua capita referre, cum ex una alteraque causa res clarior et firmior evadat.

COMPENDIUM FACTI. Anno 1839 in ditione Neapolitana lex lata est communis coemeterii. Dominicana familia Tarenti degens aere proprio condidit sibi sepulcrum in communi coemeterio.

Verum eam inter et metropolitanum Capitulum (penes quod totius civitatis animarum cura residet) anno 1841 controversia orta est de Religiosorum cadaverum delatione ad coemeterium: cum enim cuiusdam Religiosi defuncti exuvias, iustis in ecclesia perso- lutis, ad sepulcrum efferre constituerint Patres Dominicam absque Parochi interventu, cruce Conventus elevata, obstitit Capitulum contendens, a Parocho cum cruce paroeciali funus ducendum esse. Controversia ea vice sopita est, reservatis partibus iuribus, dedu- cendi controversiam apud competentia tribunalia. Reapse Capitulum in Curiam metropolitanam traxit Regulares ; sed cum sententia pro- dierit, quae neutri parti arrideret, causa deducta est coram S. C. C.

Disceptatio synoptica.

I URA ORDINIS D OMINICA NI. Procurator Ordinis s. Dominici haec iura deduxit: S. Congregationi Concilii die 2 iulii 1620 haec dubitandi formula fuit proposita ut dirimeretur: «Cum interdum accidat, ut « aliqui religiosi moriantur extra Monasterium in domo suorum « parentum... quaeritur an possint eorum Superiores Regulares noctu