MAGERATEN. 187

ff. de pactis et ex I. 75 ff. de diversis regulis iuris anti- qui. « Nemo potest mutare consilium suum in alterius iniu- riam. > Quibus plures consonant iuris canonici dispositiones et apertissime Regula XXI iuris in VI. « Quod semel pla- cuit amplius displicere non potest. » In themate igitur cum sacerdos Monachesi Episcopi decretum iam ratum subscriptione habuerit et sese obligaverit ad servandum qualibet ex parte, absque exceptione, ne novus investitus unquam causam ha- beat ad praetensa iura, aut ad lites ineundas ; iam praesens controversia dirempta penitus videri posset.

Defectum vero libertatis vicario perpetuo minime suffra- gari posse capitulum censet, sive quia gratuita est assertio et omni probabili argumento destituta, sive quia subscriptio absque ulla haesitatione decreto fuit apposita, cuius vis so- lummodo post aliquod tempus infirmari coepit. Neque me- lius alia exceptione, scilicet ignorantia assumptae obligatio- nis iuvari, cum per eum steterit quin plenam rei notitiam acquisierit.

At praeterea intrinsecum quaestionis meritum expendens capitulum tuetur episcopale decretum diei 21 Iulii 1886 iu- ris et aequitatis principiis apprime inniti, et proinde in omni- bus vim suam exerere. Ad hoc recolit S. O. C. Episcopis curam practicae executionis quoad congruas parochiales iu- xta Instructionem « Ad dirimendas » commisisse, qui hoc ipso ad huiusmodi controversias definiendas compotes evase- runt. Iussis morem gerens capitulum, vix vicarius perpe- tuus Pagamici e vivis excessit, rem totam Ordinario de- tulit se paratum exhibens ad quamlibet decisionem ample- ctendam. Res non semel ad trutinam revocata fuit ab Epi- scopo et a canonicis, neque iura paroecialia neglecta fuerunt. Extitit enim aliquis qui illa mordicus sustineret et mentem suam conscripto voto aperiens nec bonorum parochialium in massam collationi locum esse autumaverit. Ceterum Episcopus ipso decreti initio professus est : perpenso, quod si ex altera parte salva esse debent iura Capituli, ex altera autem laedi non debent iura Vicarii curati, decrevimus, et decernimus...