183. De sancto Bartholomaeo.

1 a. Festum lucis hodiernae
Agunt ierarchiae ternae
Speciali gaudio

1 b. In laudem Bartholomaei,
Quam idem amore Dei
Sacravit martyrio.

2 a. Quam sit excellentis vitae,
Fassum est, licet invite,
Consultum daemonium.

2 b. Die vicibus centenis

Et pernox in quinquagenis
Dedit sacrificium.

3 a. Fides verbis si falsorum
Non sit, probent angelorum
Impensa servitia,

3b. Quarum turba dum accessit,
Daemon loco fani cessit
Gentis in praesentia.

4 a. Qui dum stare loco nescit,
Vera fides Christi crescit
Multorum praecordiis ;

4 b. Tandem palam accusatus,
Multiformium vcxatus
Poenarum suppliciis.

5 a. Spiritum commisit caelis,
Ubi Domini fidelis
Claritate fungitur.

5 b. Qui nos iungat summis thronis,
Ubi trinus in personis
Idem Deus cernitur.