185. De sancto Hieronymo.

1. Confessor alme Domini,

Jeronyme heate,

Nefando mihi homini

De tua bonitate

5. Tuisque sanctis precibus

Sincere confidenti

Et peccatorum sordibub

Crudeliter foetenti
Digneris pius veniam
10. A Deo postulare
Per tuamque clementiam
Eundem deprecare

Pro tam indigno famulo

Tuac sanctitatis,
15. Ut plasmati exiguo

Suae immensitatis
Ipse largitor gratiae

Per suam pietatem
Ob suae clementiae
20. Immensam bonitatem
Dignetur sinum gratiae

Clementer aperire
Ad statum innocentiae

Praestetque pervenire,

25. Ut perseverans jugiter
In vitae puritate,
Conservet me fideliter

In omni caritate.
Ad virtuose vivere
30. Sis firmum adjuvumen
Hostesque dona vincere

Per tuum sanctum nomen
O candor innocentiae
Ac gemma puritatis,
35. O splendor pudicitiae
Et norma sanctitatis,
O flos florum vernantium

Et speculum virtutis,
Cunctorum te amantium
40. Tutamen es salutis.
Tu sidus es irradians,
Doctor sinceritatis,
Ecclesiam illuminans
Doctrina veritatis,
45. Tu lux et lumen saeculi,
Tu stella claritatis,
Te amant omnes populi,

Qui tuae sanctitatis
Noverunt magnitudinem
50. Ac merita laudanda
Tuamque altitudinem
Et vota admiranda.
Per tuam te clementiam,
Egregie doctorum,
55. Tuamque excellentiam,
Eximie virorum,

Te deprecor, Jeronymc,

O nimium beate,
Ut peccatrici animae
60. Pro tua pietate
Deus affectum satiet
Et ne ullius ultor
Se invenisse gaudeat.
Esto fidelis tutor,
65. Et quem pus premit scelerum.
Nunc et in hora mortis,
Confundat ne jus divinum,

Esto adjutor fortis.
Per merita sanctissima
70. Et intercessiones,

Quae sunt arma fortissima,

Et consolationes
Ipsum tremendum judicem
Efficias placatum.
75. Iram ejus ne vindicem
Propter meum reatum
Sentiens mirabiliter

Poenam experiendo
Et zabulo finaliter
80. Cum ipso permanendo
Associari merear

Ab eo puniendus,
Sed tua prece protegar
Et tecum perimendus
85. Aeternae vitae gaudia
Laetus percipiendo
Per saeculorum saecula
Illic Deum laudando.