Sermo III .

Dominica secanda in Quadragesima. Sermo fratris Bonaventurae in Capitulo Fratrum Parisius, mane coram Universitate

Resplenduit facies eius sicut sol, et vestimenta eius facta sunt alba sicut nix, Matthaei decimo septimo .

Quatuor Deus in hoc facto monstravit, quae in hae auctoritate continentur, scilicet subiectum beatitudinis susceptivum, cum dicitur: facies, quae quidem est rationalis anima, in quam inspiravit Deus spiraculum vitae ; actum informantem beatitudinis infusivum, cum dicitur: resplenduit; actum beatificantis explicativum, cum dicitur: sicut sol; coniuncti tandem resurgentis statum consummativum seu quietativum, cum subditur: vestimenta eius facta sunt alba sicut nix.

I . Circa primum nota, quod facies rationalis animae, ut possit apparere et resplendere in conspectu summi Regis et Angelorum et hominum est purifi canda in compunctione amara per fontem lacrymarum ; Matthaei sexto : Unge caput tuum et faciem litam lava.

A d omanda in conversatione sancta per decorem virtutum; Canticorum secundo: Sonet vox tua in auribus meis; vox enim tua dulcis et facies tua decora.

Demonstranda in compassione fraterna per obsequia pietatis; Tobiae quarto : Noli avertere faciem tuam ab ullo paupere; ita enim fiet, ut nec a te avertatur facies Domini.

Exhilaranda in oratione devota per spectacula devotionum; Psalmus: Ut exhilaret faciem in oleo; et Iob vigesimo secundo: Tunc super Omnipotentem deliciis afflues et elevabis ad Deum faciem tuam .

II. Haec itaque facies, sic disposita, necesse habet resplendere sicut sol . Circa hoc secundum nota, quod splendor animae rationalis spiritualis similis est splendori solari, quia, sicut resplendens sol in suo ortu est continuus, sic anima semper est rutilans sine interpolatione; Iudicum quinto : Qui diligunt te, sicut sol in ortu suo splendet, ita rutilent.

In suo aspectu est pulcherrimus, sic anima semper est vernans sine contrarii admixtione; Iudith decimo: Cui Dominus contulit splendorem; quoniam omnis ista compositio non ex libidine, sed ex virtute pendebat. .

In suo statu est impassibilis, sic anima semper est intemerata sine corruptione; Baruch quarto : Superveniet vobis salus cum honore magno et splendore aeterno.

In suo motu est augme ntabilis , sic anima semper proficiet, donec quietetur in resurrectione; Proverbiorum quarto: Iustorum semita quasi lux splendens procedit et crescit usque ad perfectam diem.

III. Sequitur: vestimenta autem eius facta sunt alba sicut nix. Circa quod nota, quod ad hoc, quod in resurrectione clarescamus ad modum nivis ex receptione dotum gloriosarum, interim vestimenta vitae nostrae debent esse lucida per sapientiae fulgorem ; Matthaei vigesimo octavo : Erat autem aspectus eius sicut fulgur et vestimentum eius sicut nix.

Subtilia per conscientiae examen; Ezechielis decimo sexto: Unxi te oleo et vestivi te discoloribus et indui te subtilibus.

Integra per pudicitiae nitorem.; Apocalypsis decimo sexto: ''Beatus, qui vigilat et custodit vestimenta sua, ne nudus ambulet, et videant turpitudinem eius.

Gemina per Dei et proximi dilectionem; Proverbiorum ultimo : Omnes enim domestici eius vestiti sunt duplicibus. ''

Va ria per meritorum multiplicationem; Psalmus: Astitit regina a dextris tuis in vestitu deaurato, circumdata varietate.

Talaria per perseverantiae longanimitatem; secundi Regum decimo tertio: Induta erat filia regis talari tunica; huiuscemodi enim filiae regis virgines vestibus utebantur.