188 Acta Apostolicae Sedis - Commentarium Officiale

L I T T E R A E A P O S T O L I C A E

AUCTORITATE APOSTOLICA SANCITUR INITA INTER EPISCOPUM AUGUSTAE

PRAETORIAE ET CAPITULUM INSIGNIS COLLEGIATAE SS. PETRI ET URSI,

DE IURE NOMINANDI CONCORDIA.

PIUS PP. X I

Ad perpetuam rei memoriam. -- Exigit apostolicum munus, quo Chri-

sti Ecclesiae regimen Nobis commissum est, ut dioecesium bono ac pro-

fectui, difficultatibus aliquando exortis etiam sublatis, quantum in Domino

possumus consulamus. Hac profecto de causa cum e capitulis canonicorum

in dioecesibus constituantur praecipui in regimine adiutores Episcopi, qui

propterea gaudent apud christifideles intra cuiusque ecclesiae fines magna

existimatione atque auctoritate, mutuas relationes et conventiones inter

capitula atque episcopos, occasione data, attente consideramus et apostolica

quoque Nostra sanctione, pro opportunitate, roboramus, certa spe freti

huiusmodi benignitatis Nostrae signum cum dioecesium tum capitulorum

bono responsurum. Quam ob rem cum Augustae Praetoriae Episcopus,

nomine quoque canonicorum insignis conlegiatae SS. Petri et Ursi, in ipsa

sua Augustana Praetorii civitate sitae, Nos enixe rogaverit ut pacta habere

rata dignaremur, quae, circa ius nominandi ad capitularia beneficia, post

Codicis iuris canonici promulgationem, cum capitulo praedicto conventa

sunt, huiusmodi supplicationibus adnuendum, audito quoque venerabili

fratre Nostro S. R. E. Cardinali Praefecto Sacrae Congregationis Concilii,

ultro libenterque existimavimus. Augustae Praetoriae enim, insignis col-

legiatae sanctorum Petri et Ursi Capitulum iam iure pollebat omnes cano-

nicos nominandi ad capitularia beneficia; sed qua minus conforme Codicis

iuris canonici dispositibus huiusmodi ius Episcopus inficiabatur. Quaestio

exinde oborta est, nunc tamen feliciter compressa, cum, concordiae pacisque

desiderio ducti, venerabilis frater Ioseph Calabrese, hodiernus Augustae

Praetoriae Antistes et dilectus filius prior capituli Sanctorum Petri et Ursi,

ex delegatione habita, nomine capituli memorati, simul convenerint ut

quae opportunius ad quaestionem dirimendam videbantur statuerentur et

ea sanctioni Apostolicae subicierentur. In posterum igitur capitulum insi-

gnis conlegiatae SS. Petri et Ursi, omni canonicos eligendi in conlegiata

privilegio amisso, ius habebit Ordinario Augustae Praetoriae tres sacerdo-

tes idoneos, iuxta sacros canones et singulas fundationes, praesentandi pro

vacatione cuiusque generis occurrenti in quolibet beneficio canonicali; atque