188 Appendix III

« facere eos transferre in propriam ecclesiam »: cui S. C. Concilii respondit: Regulares extra claustra decedentes posse ad eorum ecclesias deferri, etiam Parochis inconsultis. - Ex qua resolutione inferebat Procurator, Superiorem Regularem posse transferre suum Religiosum defunctum quavis hora sive die sive noctu, et quovis modo etiam solemni, cum in Resolutione nulla apponatur limitatio. Verum quidem esse auctores Card. Petram, Pignatellium et Mat- thaeuccium scribere hoc in casu translationem faciendam esse, sine pompa, sine cruce, sine processione ; sed hanc esse tantum eorum opinionem, cum in dicta Resolutione limitationes huiusmodi non habeantur: et locum potius habere effatum illud: ubi iura non distinguunt neque nos distinguere debemus; aut alterum: lex ubi voluit expressit ; ubi non expressit noluit: ideoque dictam translatio- nem cadaveris fieri posse eo modo quo placeat, sine ulla dependentia.

Praeterea iamdiu esse decisum, et firmatum, funera defuncti ali- cuius Parochi, quae transire debeant per alienam paroeciam, huius Parocho inconsulto posse transire: 1 ex quo sequi, Superiorem Regu- larem, cum sit verus Religiosi defuncti Parochus, posse transire per paroeciam, Parocho inconsulto, ut deferat defunctum ad proprium sepulcrum, stola et cruce Conventus erecta.

IURA CAPITULI . Capitulum paroeciale per Defensorem sua iura deducens, ea generalia iura in medium protulit, quae pro Parochis deducta sunt in praecedente causa funerum pag. 177. Deinde vero ad difficultates quae opponi possent, diluendas gradum fecit inquiens: Sit quidem, quod Regulares, Superiorum suorum, non autem Parochi iurisdictioni subdantur; at non inde sequi, in defuncti religiosi ad coemeterium delatione Parochum excludendum esse, eamque peragi posse per Conventus Praesidem utpote ipsius defuncti Parochum. Superiorum enim Regularium potestatem intra Monasterii septa circumscribi; extra autem in alterius iuris iacturam exerceri non posse. Hinc Religioso aegrotanti extra claustra Sacramenta ministrari non posse per Superiorem Regularem, vel per quempiam alium de eius mandato, definitum esse per S. C C. in Collen. 21 aprilis 1609, Card. Petra Comment, ad Const. Innoc. III, const. 9, n. 13, tom. 2; Pignatelli, consult. 199, n. 5, tom. 4. Et quod Regularium funera per vias et plateas, irrequisito et absente Parocho, duci nequeant, clare tradere Amostaz. de causis piis, I. 4, de funer. c. 5, n. 8, Card. Petra /. c. n. Il, Pignatell. consult. 191, n. 4, t. 4, aliosque, nec non S. C. C. in citata Collen. Neque adversari Resolutionem ex adverso allegatam die 2 iulii 1620, Regulares extra claustra dece- dentes posse ad earum ecclesias deferri, etiam Parochi sinconsultis ; hanc enim de privata, non de solemni associatione intelligendam esse, Card. Petra loc. cit. n. 9.

1 Resolutionem huius rei habes in vol. V, pag. 222 § tertium.