SPONSALIUM 189

aliaque peracta, ex quibus sicuti contrahentium consensus a respectivis parentibus collaudatus satis superque evincitur, ita eo magis constat de legitima sponsalium perfectione, uti recen- sitas circumstantias sparsim perpendendo firmat Glossa in Cap. Si inter 31 verbo dicente* de sponsal. et matrim.* et Cap. Lit- teras 4 verb. Placere consueverit* de Despons. impuber. Rota coram Buratto decis. 143 n. 34, et in Novarien. Sponsal. 1 Iu- lii 1693 §. adminicula coram Muto. Apostolica Sedes tamen Carolinam pragmaticam utpote Ecclesiae auctoritati in sponsa- lium materia oppositam omni robore atque virtute destitutam conclamavit. Hinc frustra nonnullus Doctor Hispanus adlaborat, ut nullitatem sponsalium in casu evincat ex omissione publicae scripturae. Nec refert quod Ecclesia Hispanica quoad forum sal- tem externum ipsam pragmaticam pro lege acceperit. Praepri- mis enim patet hanc legem coactive atque invitis et resistenti- bus pluribus Episcopis in regionem Hispaniarum inductam fuisse ceu notat Episcopus.

Sed neque in maiori pretio habendam esse consuetudinem, quae usque ab anno 1803 in Regno Hispanico inolevit, recta ratio suadere videtur. Re sane vera cum huiusmodi consuetudo sanctionibus Tridentinis adversetur, necessario incidit sub cen- sura Constitutionis S. M. Pii IV In Principis Apostolorum* quae consuetudinem quamcumque Tridentino contrariam, veluti abusum et iuris corruptelam, nullam et irritam declaravit. S. C. C. in Nucerina Paganorum Servitii Chori die 25 Augu- sti 1877. Ea vero Constitutio, ceu sapienter monuit Benedi- ctus XIV Instit. Eccl. 60 n. 7 « singula eiusdem Concilii ca- pita simul complectitur et nullius efficit momenti consuetudines quae lege in iisdem capitibus inscriptas violent. » Singulis enim capitibus annexum est decretum, irritans, quod nedum consue- tudines existentes destruit, sed obstaculum ponit ne novae exo- riantur, ob deficientiam taciti consensus R. Pontificis, qui num- quam praesumitur in iis, quae adversantur Constitutionibus clausula irritanti munitis, ceu docent De Luca de Iurisdict, disc. 95 n. 7 et 8 Pignatell. consult. 134 num. 16 tom. i