CAIETANA 189

deponit unum in iudicio; sed contrarium eius vel iam antea dixerat extra iudicium, vel postea extra istud dicat, etiam expresse fatendo quod falsum in iudicio dixerit; nihilominus standum est dicto iudiciali nisi contrarium aliunde probe- tur. » Ita Abbas c. Per tuas n. 11 Be probat, aliique.

Quod si in pretio haberi nolint horum trium veluti sibi contradicentium depositiones, aliae quamplures suppetunt quae rem conficere videntur. Adsunt enim tresdecim alii testes, qui omnes contra parochi vitam deponunt.

Verum quidem est hos omnes, .alios de fama , alios de suspicionibus deponere; attamen recolendum est de rebus et criminibus hic agi, quae suapte natura latebras quaerunt, et nonnisi ex indiciis plus minusve remotis probari valent. Unde canonica lex ad effectum poenae non modo eos cleri- cos concubinarius habet qui plenis probationibus cum ali- qua femina turpiter conversari convincuntur; sed et eos qui in notoria suspicione concubinatus existunt. Ita enim ad rem De Angelis ad tit. 2 Decret, lib. 2 n. 2: « Concubinam clerici sunt vocati non modo illi, qui turpiter cum aliqua femina viverent, sed et qui suspectae mulieris cohabitatio- nem servarent.... Nec necesse est notorium esse concubi- natum vel incontinentiam, dummodo probari possit suspicio notoria incontinentiae vel concubinatus, deferente fama; ita ut Episcopus sine strepitu et figura iudicii, sed sola facti veritate inspecta procedere possit post monitiones. » Et est in re communis.

Et indicia seu praesumptiones valere, « et esse veram » probationem in materia in qua probationes praesumptive » dumtaxat fieri possunt » docet cum Mascardo Decio aliisque Reiffenstuel in tit. De praesumpt. n. 6; idque certissimum esse quando indicia sint proxima « nempe quae immediate tangant negotium seu maleficium de quo quaeritur » - Fa- rinacius quaest. 36 n. 45; et praesumptiones sint gravis- simae, quae nempe sint iuris, vel facti, vel naturae prout exemplificat Mascardus De probat, conclus. 1246 n. 4. Con- versari autem clam et privatim saepius et nocturnis horis