ILERDEN. 189

DISPENSATIO INDULGENDA VIDETUR. Sed contra benignitati indulgendum esse suadent non parvi ponderis rationes. - Cum primis admodum commendati Oratoris mores, eius in- genium, et natura morbi qui in dies mitescere videtur.

Pro dispensatione vero ab huiusmodi defectu in celebra- tione Missae abundant S. C. C. exempla quibus rigor ca- nonum benignitate fuit temperatus. Sane in Pampilonen. die 31 Martii 1860 gratia concessa fuit clerico ut manu laeva uteretur in sacris Missae caeremoniis, quia dextera ma- nu se crucis signo munire, nec calicem ori admovere valebat.

Ita in Cephalen. die 18 Iunii 1866 dispensatum fuit cum clerico Iosepho Gianni laevae manus pollice carente; et recentius in Novarien, die 27 Iunii 1891 quamvis ora- tori dexterae manus pollici una phalanx et indici duae de- essent phalanges; in Comaclen. die 27 Februarii 1864 fa- vorabile obtinuit rescriptum quidam Fogli, qui « anchilosi perfecta in genu dextera laborans (ita in folio) non potest illud usque ad terram flectere, sed mediam tantum, ut ita dicam, genuflexionem commode exequitur ». Nuper in Co- lonien, diei 25 Maii 1895 S. C. C. indulsit quemdam ss. Or- dinibus initiari, reponens « Arbitrio et conscientiae Erui Ar- chiepiscopi dummodo vere adsit Ecclesiae necessitas facto verbo cum SSmo » (i). Quo in casu de iuvene quodam Ke- hren agebatur, qui in gymnasio Kempensi litterarum studiis adhuc vacabat et gravi manus sinistrae defectu afflictaba- tur, quem ita descripsit magister caeremoniarum : « Ioan- nes Kebren manum sinistram habet male formatam inde a nativitate. Solus pollex est bene formatus ; ceteri quatuor digiti concreti sunt et membrana quadam inter se iuncti, sunt insuper minores quam dexterae digiti, ita ut medie- tatem eorum non multum superent. Molles sunt et debiles ut digiti infantium. Etiam pollex et reliqua [sinistrae manus pars minor est quam pollex et cetera pars manus dexterae ».

Quibus animadversis, quaesitum fuit quid esset precibus respondendum.

(1) Recole Vol. XXVIII, 261.