Sermo V .

Item, sermo fratris Bonaventurae apud Mediolanum, in domo Fratrum.

Resplenduit facies eius sicut sol, vestimenta autem eius facta sunt alba sicut nix, Matthaei decimo septimo .

In his verbis duo nota spiritualiter ad nostram informationem: primum est contemplationis perfectio; secundum est conversationis sanctitudo. Primum designatur in facieresplendenti ut sol, secundum in vestimentis albentibus sicut nix.

Circa totum nota, quod sicut sol materialis est ornativus caelestium , sic facies Christi est ornativa caelestis curiae; Ecclesiastici vigesimo sexto : Sicut sol ori ens mundo etc.

Illuminativus terrestrium, sic facies Christi est illuminatio militantis Ecclesiae;

Psalmus: ''Faciem tuam illumina super servum tuum.

Delectativus intuentium, sic facies Christi est delectativa devotae et spiritualis animae; Genesis trigesimo secundo: Vidi Deum facie ad faciem, et salva facta est a nima mea.''

Ad hoc autem, ut facies animae nostrae possit instar faciei Christi in contemplatione resplendere, debet ad similitudinem faciei ipsius esse decora per munditiam interioris conscientiae; Genesis vigesimo nono : Lia lip pis erat oculis, Rachel vero decor a facie et venusto aspectu.

Decoratur vero facies per compunctionem amaram; Matthaei sexto: Tu autem, cum ieiunas, unge caput tuum et faciem tuam lava.

Per confessionem veram; Canticorum quinto: Aperi mihi, soror mea. Sonet vox tua in auribus meis; vox enim tua dulcis et facies tua decora.

Fulgida per intelligentiam sanctae Scripturae; Exodi trigesimo quarto : Ignorabat Moyses, quod cornuta esset facies sua, id est radiosa.

Haec autem fulgidatur per lectionem affectuosam, in qua removetur velamen litterae; secundae ad Corinthios tertio: Nos vero omnes revelata facie gloriam Domini speculantes, in eandem imaginem transformamur a claritate in claritatem tanquam a Domini Spiritu.

Per meditationem intentam, in qua purgatur affectus animae; Isaiae trigesimo octavo: Convertit Ezechias faciem suam ad parietem et oravit ad Dominum.

Iucunda per affluentiam caelestis gloriae; Iudith ultimo : Erat autem p opul us iu cundus sec undum faciem sa nct oru m.

Haec autem iucundatur per devotio nem ecstaticam; Psalmus: Ut exhilaret faciem in oleo etc.

Per dilection em excessivam; Ecclesiastici trigesimo sexto: Species mulieris exhilarat faciem viri sui et super omnem concupiscentiam hominis superducit desiderium.

FERIA SECUNDA post secundam dominicam quadragesimae.

Sermo.

Sermo fratris Bonaventurae coram regina Franciae et familia, Parisius.

Cum exaltaveritis Filium hominis, tunc cognoscetis, quia ego sum, Ioannis octavo .

In isto verbo ad Iudaeos duo notanda, scilicet Christi hominis per passionem crucis sublimatio summa et Iudaeorum crucifigentium punitio digna. Primum, ibi: Cum exaltaueritis Filium hominis, in cruce ponendo sive elevando, per quod factum ad dexteram Patris sedebo; secundum, ibi: tunc cognoscetis, quia ego sum etc; damnis et poenis vestris experiemini, quia ego sum Filius Dei et filius Virginis, non sic tractandus a vobis.

Circa totum nota, quod exaltatio sive elevatio Christi homini s in cruce sive ipsa crux, in qua et per quam fuit exaltatus, comparatur et assimilatur in sacra Scriptura arbori vitae in medio paradisi, Genesis secundo , propter humanae salutis reparationem sive conservationem

Arcae Noe, Genesis sexto, propter mundi universalis salvationem

Virgae Moysi, Exodi quarto, propter miraculorum patrationem

Ligno dulcoranti aquas, Exodi decimo quinto , propter tribulatorum relevationem

Palo aeneum serpentem gestanti, Numerorum vigesimo primo, propter tentatorum liberationem

Clavi domus David, Isaiae vigesimo secundo, propter ianuae caelestis reserationem

Sceptro aureo Assueri, Esther decimo quinto , propter divinae clementiae propitiationem.

Vehiculo Salomonis, Canticorum tertio, propter credentium omnium ad caelum deductionem et introductionem.