Ex. S. C. Rituum

ximo Alexandro II, exordium sumpsit, et per Arialdum at- que Landulphum e gente Cotta Herlembaldi fratrem conti- nuata est. Isti in civitate Mediolanensi aliisque in locis ob- secrantes atque increpantes in omni patientia et doctrina corruptos mores redarguebant. Neque blanditiis vel donis ad silentium reduci potuerunt, libera voce testantes se, quoad usque lingua faucibus adhaesisset, veritatem et virtutem fra- tribus fore praedicaturos. Quin imo ipsi auctores et primi sodales extiterunt illius societatis in aedibus praelaudati An- selmi constitutae et Pataria nuncupatae, cuius asseclae, teste S. Petro Damiano, iureiurando spopondebant « donec vive- rent et quantum possent, Nicolaitarum et Simoniacorum hae- reses omni studio totisque viribus extirpare contenderent ». Multa et praeclara ad utramque haeresim extirpandam per- fecit opera Arialdus cum socio Landulpho et longum esset singula persequi quae ex authenticis documentis probatisque testimoniis atque ex ipsis tabulis processualibus eruuntur. Au- ctoritate mandatisque fultus Summorum Pontificum Victoris II, Stephani IX, Nicolai II et Alexandri II, necnon Legatorum Apostolicae Sedis Hildebrandi, Anselmi tunc Episcopi Lucen- sis, et Petri Damiani plures civitates et provincias peragravit ; atque in opere incoepto vehementer institit. Pro Christo et Ecclesia calumnias, contumelias, persscutiones gravissimas ipsamque bonorum direptionem aequanimiter tulit. Ad ma- iora semper paratus sustinenda usque ad sanguinis effusio- nem, inimicos suos omni benignitate complexus est. Validum et ad rem opportunum praebuit auxilium Herlembaldus egre- gius vir ac miles, Landulphi frater, qui cum Arialdo Romam advenit, et robur, praeceptum vexillumque benedictum contra hostes extollendum accepit a Summo Pontifice Alexandro II, ipsum Arialdum, pro ecclesiastico suo munere, ducem et mo- deratorem assignante. Idem Pontifex, Concilio in Lateranum coacto, litteras encyclicas edidit et Mediolanum misit, illucque revertentes praedicti strenui viri Synodi atque Pontificis prae-