175. De Passione Domini.

I .

1 a. Autor humani generis,
Pietatis

Mirabilis consilio,

1b. Pro redimendis miseris
Morti datis

Suo non parcens filio,

2 a. Natam Maria virgine

Morti crucis exposuit,
Qui passus sine crimine
Exsolvit, quae non rapuit.

2 b. Fulget crucis mysterium,
Aeternae lucis speculum,
Cui subditur imperium
Rectorum huius saeculi.

3 a. In paradisi gremio

Lignum vitae productum

3 b. Nostri laboris praemio

Salutis profert fructum.

4 a. Agnus haerens in vepribus
Pro Isaac occiditur,

4 b. Anguis spectandus omnibus
Cruce pendens erigitur.

5 a. Haec est ara salutaris,
Rigata rivis sanguinis,

5 b. Qua, Christe, sacrificans
Pro lapsi culpa hominis.

6 a. Cruci clavis affigens,

Tu patrem placans hostia,

6 b. Sic confixus erigeris,
Leti fracturus ostia.

7 a. Distenditur in stipite

Crucis caro virginea,

7 b. Ostenditur in capite

Sacro corona spinea.

8 a. Sanguis et unda profluit
De fossi fonte lateris ;

8 b. Sic miseris crux profuit,
Quam innocenter pateris.

9 a. Hoc exaltatus solio,

Ut ad te trahas omnia,

9 b. Rixae destructo lolio

Fers ad amplexus brachia.

10 a. Cor ad amandum aperis
Inclinans os ad oscula,

10 b. Suffers plagas, dam caperis,
Sputa, flagella, vincula,

11a Matrem piam discipulo

Commendans, patri spiritum,

11b. Aceti sumpto poculo

Carnis exsolvens debitum.

12 a. Sic morte mortem destruis
Vincensinferniprincipem.

12 b. Qui latronem instituis
Tui regni participem.

13 a. Succnrre nobis, Domine,
Qui passus es pro bomine,

13 b. Fac nos in tuo numine
Frui caelesti lumine.

II.

1 a. A peccatis
Perpetratis
Reos libera,
Indulgere scelera
Accelera.

1b, Tibi gratos
Et beatos
Pios effice,
Vitae verae perfice,
Nos aspice.

2 a. Tropaeo fac nos inclito,
Quo superas diabolum,

2 b, Cum spiritu paraclito

Hostem calcare subdolum.

3 a. Ave, crux,
Turmae dux,

Forma paenitentiae,
Tu Peccatorum venia.

3 b. In te spes,
Et (re)quies,

Norma patientiae,

Caelorum tangens moe-
nia.

4 a. Nostrae salutis ancora,

Tu portus in naufragio,

4 b. Qui mundi placas aequora
Pacis dato suffragio.

5 a. Tu vexillum regis
Es victoriae,
Decoratum

Dignis lucis dotibus.

5 b. Tu sigillum legis,
Decus gloriae,
Sublimatum

Signis et virtutibus.

6 a. Ab hostis maligni
Fallacia

Atque pertinacia
Virtutis
Defende
Nos potentia,

6 b. Ut Iesu benigni
Nos gratia
Ducat ad solacia
Salutis
Colendae
Cum clementia.

7 a. Qui regnat in caelis,
Cum angelis
Exaltatus
Sine termino,

7 b. Ubi grex fidelis,
Archangelis
Sociatus,

Canit Domino.

8 a. Cui aeterna
Cum gloria

Sit laus cunctorum
Sedula

8 b. Pro superna
Victoria

In saeculorum
Saecula.

1 a. Cantate cantica, socii,
Crucis signati
charactere.

1 b. Consortes tanti negotii,
Laetemur parili
foedere.

2 a. Culpa liberemur,
Mundemur,
Purgemur

A fomite.
Laudes congaudentes,
Plaudentes,
Psallentes

Depromite.

2 b. Vita reparata,
Beata,
Donata

Recipitur,
Dum nostrae corhortis
Plebs mortis
A portis
Eripitur.

3 a. Christum ducem,
Qui per crucem
Nos ad lucem

Duxit gratiae.
Veneremur,
Imitemur,
Gratulemur

Laeta facie.

3 b. Cunctis locis
Piis iocis,
Dulcis vocis

Claro studio
Personemus,
Decantemus,
Iubilemus

Cum tripudio.

4 a. Pater, natus, sacrum flamen
Det nobis spem et solamen,

4 b. Nos veniens ad examen,
Christus iudex salvet. Amen.