188. De ss. Johanne Baptista et Johanne Evangelista.

1. Ave, Dei o gratia,
Baptista, nobis spatia

Des, vitam corrigamus ;
Divinac compar gratiae,
Evangelista gloriac,
Vos binos salutamus.

2. Gaude, Johannes nominatus
Alvo matris nondum natus

Gabrielis vocibus,
Praeco Dei vocitatos
Es propheta designatus,

Baptista Ghristi praovius.

3. Gaude, Johannes vocitatus,
Aquila praefiguratus

Ezechielis visibus,
Prophetias es effatus
Et apostolus dotatus,

Evangelista coelitus.
4. Gaude, Johannes, vox clamantis
Et lucerna perlustrantis

Veri luce numinis,
Patris vocem audis fantis,
Lavas corpus conregnantis

Unda visu flaminis.
5. Gaude, Johannes, verbum vocis,
Eructabas multis locis,

Quod verbum caro factum est,
Patrem audis videns natum
Corruscantem transfiguratum,

Monte Thabor hoc actum est.
6. Gaude, Johannes, nepos Christi,
Amicus ejus adfuisti

Agnum monstrans digito ;
Ipsum multum dilexisti,
In deserto praedixisti,

Advenit prope saeculo.
7. Gaude, Johannes, nepos Christi,
Christi care, tu vidisti

Agnum Sion speculo,
Praedilectus tu fuisti,
Apocalypsim post scripsisti

Pathmos in exsilio.

8. Gaude, Johannes, castitatis
Exemplarque virginitatis,

Praedicans poenitentiam
Et salutem, baptizatis
Pharisaeis reprobatis
Affirmans indulgentiam.

9. Gaude, Johannes, Dei matris
Custos nutu deitatis,

Virgo per excellentiam ;
Tu per verba veritatis
Haeretieorum pravitatis

Superasti nequitiam.

10. Gaude, martyr, cujus lumen

Venit limbo quasi numen

Redemptorem nuntians,
Bone martyr, vates, virgo,
Morituro, quando pirgo,

Sis reconciliatio.
11. Gaude, martyr sanctitatis,
Avis, virgo puritatis,

Vas ferventis olei
Te non laedit, Christi sacrista,
Nos conserves cum baptista,

Valete, sancti gemini.
12. Vale, major hominum,
Ora pro nobis Dominum,

Johannes o baptista ;
Vale, qui prae ceteris
A Christo plus diligeris,

Johannes evangelista.