193.

1. Dolens auctor omnium
Mundi de peccatis,
Per fidelem nuntium

Verbum pietatis
Delegavit virgini,
In qua junxit homini
Formam deitatis.

2. Res miranda canitur,
Sed digna favoiis,
Quod non partu laeditur

Thalamus pudoris,
Sed illaesa penitus
Manet sicut primitus
Mater salvatoris.

3. Stella solis radium
Gerit, virga florem,

Creatura proprium
Parit creatorem,

Jus naturae premitur,

Quia proles oritur
Praeter ejus morem.

4. Mundi salus oritur

Floris per egressum,
Mundi princeps mergitur,

Venit flos in pressum
Mundum labe criminis,
Nobis veri luminis
Praeparans ingressum.

5. Gaude, decus virginum,
Gaude, Dei cella,
Gaude, porta hominum,

Gaudcque, puella,
Gaude, lumen luminum,
Genuisti Dominum,
Gaude, maris stella.

6. Gaude, mater gratiae,
Gaude, vas honoris,
Gaude, vena veniae,

Gaude, spes lapsorum,
Gaude, per quam veniunt,
Qui venire cupiunt,
Ad clausta polorum.

7. Prima parens legitur
Mortis exstitisse
Causa, sed agnoscitur

Vitam subiisse
Per te, vas prudentiae,
Virgo, regem gloriae
Constans peperisse.

8. Spes humani generis,

Pax, salutis via,
Lux et honor aetheris,

Mitis atque pia,
Salve, nostrum gaudium,
Suave sicut lilium

Redolens Maria.

9. Nos, qui sumus debiles,
Esse fac constantes
Et exaudi flebiles

Tuum implorantes
Nomen, et ne despice,
Sed benigna respice
Ad te properantes.

10. Ad te flexis genibus

Nos faex. terra, limus,

Et conjunctis manibus
Miseri venimus,

Ut adepta gratia

Tua Dei venia
Potiri possimus.