QUAESTIO XII.

Utrum in materia rerum naturalium sit aliqua pars formae generandae, eoagens ad compositi generationem ?

Arist. hic text. 29. D. Aug. lib. 3. de Trin. c. 8. D. Thom. hic lect. 8. et 1. p. q. 113. art. 2. Albert. 1. Phys. tract. 3. c. 3. Durand. in 2. dist. 16. q. 2. Sol. 1. Phys. q. 7. Fland. q. 17. art. 3. et sequent. Suar. disp. 15. Met. sect. 2. Hurt. disp. A. Phys. sec. 2. Aversa, q. 20. Phys. sect. 7.

Quod sic, duabus viis. Prima, aliter forma fieret ex nihilo, et ita crearetur. Secunda via ex naturalitate generationis, quae multipliciter confirmatur. Primo per definitionem naturae, 2. Physicor. text. com. 3. principium non dicitur in quo est motus, sed motus ejus in quo est principium illud, sive ille motus. Nec videtur intelligi d principio passivo tantum ; tum, quia magis dicitur forma esse natura quam materia ex 2. Physicor. t. c. 12. et inde. Tum, quia tunc non videretur differentia inter naturalia et artificialia, quam ibi ponit, quia artificialia, inquantum hujusmodi, non habent principium motus, naturalia habent ; patet quod artificialia habent principium passivum, aliter fieret, quod impossibile est fieri. Tum quia in ultimo cap. secundi, t. c. 78. Aristoteles sic dicit : Quod si domus esset eorum, quae natura, sic fieret a natura, sicut nunc ab arte, et quod planius est in eodem cap. t. c. 86. dicit, si navifactiva esset in lignis, similiter faceret navem, sicut nunc natura, sed navifactiva est principium activum. Ibidem etiam t. c. 84. dicit, quod a natura sunt, quaecumque sunt a principio intra mota, etc. A, videtur nominare causam efficientem. Tum quia 6. Metaph. t. c. 1. Aristoteles probans Philosophiam non esse practicam, arguit hoc ex objectis, nam fa tibilium principium est in fidente, naturalium principium est in moto. Tum, quia 2. Physicor. t. c. 66. et inde, reducit Aristoteles casum, et fortunam ad naturam et intellectum ; constat secundum ipsum, quod casus et fortuna sunt causae per accidens efficientes: ergo natura est per se effectiva. Tandem confirmatur per illud 2. Ethic. Violentum est, cujus principium est extra, non conferente vim passo haec definitio videtur convenire generationi naturali, nisi passum coagat.

Item Aristoteles dicit in littera, t. c. 29. quod a natura fiunt, in quorumcumque materia est pars aliqua formae, quae sic movet materiam, sicut moveretur ab extrinseco, quid manifestius?

Contra, forma est simplex ex 6. principiis. Si igitur aliquid praeest, videtur quod sit composita.