DECRETUM 19i

legationibus et peregrinationibus defatigatus, et infirmitatibus de- tr i tus, iterum ad Hispaniae Regem legatus mit t i tur; cumque ca- ritate, qua in Deum et proximum urgebatur, se totum Ecclesiae servituti devovisset, etsi divinitus imminentis mortis praescius , longum in Lusitaniam iter aggreditur; sed ubi in principem regni urbem advenit, gravi corripitur morbo, quo ad supremum adductus diem, laeto animo, hilarique vultu obdormivit in Domino, anno MDCXIX die vicesimasecunda Iulii.

Operosum autem nunc, inconfusum strenuumque christianae rei- publicae ministrum tum regularis disciplinae observantia, tum vir- tutum perfectione, tum miraculorum testimonio insignem anno MDCCLXXXIII die prima Iunii sa: me: Pius Papa VI solemni de- creto Beatorum albo adscripsit.

Franciscalium Capulatorum familia de tanti Sodalis gloria me- rito sollicita, ut pro temporum vicibus licuit, super miracula, Beato Laurentio intercedente patrata, post indultam eidem venerationem, Apostolicos Processus confici curavit; eorumque agnita validitas est quinto Kalendas Octobris MDCCCLXXIII. Actum deinde est de duobus propositis miraculis; et primo quidem quinto Idus Ianuarii anno ÏJPCCCLXXVII in aedibus Rmi Card. Aloisii Bilio Episcopi Sabinensis Causae Relatoris. Discussa iterum fuere miracula in Prae- paratoria Congregatione in aedibus Vaticanis anno JVIDCCCLXXVIII. decimo tertio Kalendas Septembris. In generalibus demum Comitiis coram Sanctissimo Domino Nostro Leone Papa X I I I in Vaticano habitis decimoséptimo Kalendas Ianuarii anno M D C C C L X X I X a praefato Rmo Cardinale Aloisio Bilio Causae Relatore propositum fuit dubium u An, et de quibus Miraculis constet in casu et ad » effectum de quo agitur f » Suffragium autem super proposito Du- bio protulerunt Rmi Cardinales Sacris Ritibus tuendis praepositi, ac singuli Patres Consultores. Iisque auditis, Sanctissimus Dominus Noster, antequam mentis suae oraculum pronunciaret, hortatus est omnes, ut in gravissimo huius rei iudicio divini luminis gratiam incessanter deprecarentur.

Implorata tandem caelesti Spiritus illustratione, Sanctitas Sua hac Dominica infra Octavam Nativitatis Deiparae eiusdemque No- mini sacra in aulam Vaticani Palatii nobiliorem accivit Rmum Card. Camillum Di Pietro Episcopum Ostien. et Veliternen. et Sacri Collegii Decanum pro Rmo Card. Dominico Bartolini Sacrae Rituum Congregationi Praefecto, Urbe absente, et Rmum Card. Aloisium. Bilio Episcopum Sabinensem Causae Relatorem una cum R. P. Lau-