DUBIA 191

Sacra Congregatio taliter dubiis respondit: AD PRIMUM. - Affirmative iuxta modum; modus es t : «At-

tenta peculiari Puellarum Charitatis institutione, attentisque Pon- tificiis declarationibus ac privilegiis indultis, praesertim a S. M. Pio VII et Leone XII, confirmatis a SSmo D. N. Leone XIII die 25 Iunii 1882 ; publicationem et vigilantiam super executione praefati Decreti quoad dictas Puellas spectare ad Superiorem generalem pro tempore Congregationis Presbyterorum Missio- nis, sive per se, sive per eiusdem Congregationis Visitatores, salva tamen delegatione Apostolica Ordinariorum locorum in casu negligentiae Superiorum Congregationis Missionis. »

AD SECUNDUM. - Affirmative ad primam partem. Negative ad secundam.

Et facta de praemissis relatione SSmo D. N. Leoni PP. XIII in audientia habita a me Cardinali Praefecto die 12 Aprilis 1 8 9 1 , Sanctitas Sua resolutiones S. Congregationis approbavit et con- firmavit. Contrariis quibuscumque non obstantibus.

Datum Romae ex Secretaria eiusdem S. Congregationis Epis- coporum et Regularium, die 15 Aprilis 1891.

I. CARDINALIS VERGA, PRAEFECTUS.

FR. ALOYSIUS EPIS. CALLINICEN. Secretarius.

EX SECRETARIA BREVIUM L I T T E R A E SSmi D. N. Leonis XIII, quibus festum S. loseph sub utroque

praecepto celebrandum indulgetur in regionibus Pedemontis, Liguriae, Sardiniae et Longobardiae.

Quod erat maxime optandum, ut nimirum apud omnes qui- bus continetur Italia regiones dies sacer Sancto Iosepho imma- culato Deiparae Sponso tanta cultus observantia ageretur, quanto apud eas omnes studio in Eumdem Sanctum pietas colitur, id optima opportunitate per hos ipsos dies nobis datum esse lae- tamur. Supplices enim a Venerabilibus Fratribus Pedemontis, Liguriae et Sardiniae Episcopis perlatae sunt ad nos litterae, quibus ipsi votorum etiam cleri populique interpretes petunt a Nobis, ut dies undevigesimus mensis Martii memoriae Sancti Patriarchae recolendae addictus, quemadmodum in aliis Italiae regionibus, ita in suis Dioecesibus sub duplici praecepto cele- bretur. Laeto quidem animo lubentique excepimus ea vota, quae cum digna sunt pietate rogantium, tum diutino desiderio Nostro apprime respondent. Siquidem vestigia sequuti Decessoris No- stri sanctae memoriae Pii PP. IX, qui singulari studio cultum Sancti Dei Genitricis Sponsi provexit, illumque coelestem totius Ecclesiae Patronum designavit, Nos die VIII Kalendas Septem-