Appendix

113. Equidem verum Bonifacium requirendo mandatum speciale nihil expresse edicere quoad certitudinem personae, cum qua matrim, est ineundum (v. g. cum Lucia), at verum quoque hanc certitudinem omnino saltem tacite insinuari. Nam si mandatum speciale requiritur (seu ad faciendum ma- trimonium) excluso quocumque mandato generali, licet am- plissimis concepto terminis, idque eo quia agitur de re summi momenti, ex qua veluti immutatur hominis conditio, eadem de causa requiritur quoque, ut persona, cum qua est contra- hendum, sit certo determinata, nam alioquin eadem gravissima incommoda exinde facile possent corrivari.

114. De variis modis quibus procuratores possunt consti- tui. - Contractus, ni aut rei natura aut ius vetet, ex con- trahentium voluntate legem accipere notissimum est. Gene- ralis haec regula certe sane quoad mandatum non fallit. Unde Paulus (fr. i Dig., Mandati vel contra)'. « Item sive rogo sive volo sive alio quocumque verbo scripserit mandati actio est. Item mandatum et in diem differri et sub conditione con- trahi potest ».

115. Ex hisce liquet etiam mandato procuratorio leges a mandante dici posse, et hinc, praeterquamquod posse consti- tui verbis precatorias vel imperativis, dari posse v. g. pure (mando tibi ut contrarias cum Lucia) vel sub conditione (v. g. dummodo sit dives) vel ex die (v. g. ita ut matrimonium celebrare possis a proximis kalendis iuniis) vel in diem (v. g. dummodo contrahas inter proximum bimestre).

116. Nec exinde pertimescenda ulla irreverentia quoad sacramentum, nam in matrimonio antequam consideretur sa- cramentum debet considerari contractus, quum illud huic ac- cedat. Insuper si vel ipsum matrimonium potest contrahi sub conditione, demonstratione etc. arbitrio contrahentium, a for- tiori mandatum ad contrahendum mandantis arbitrio est di- metiendum.

117. Quia vero loquimur de legibus mandato adiicien-