192 Acta Apostolicae Sedis - Commentarium Officiale

V

TRICHINOPOLITANA

DIOECESIS TRlCHINOPOLITANA DISMEMBRATIO ET NOVA ERIGITUR DIOECESIS

<( MADURENSIS ».

P I U S E P I S C O P U S

SERVUS SERVORUM DEI

AD PERPETUAM REI MEMORIAM

Si inter infideles populos dioecesis quaelibet, nimia plerumque terri-

torii amplitudine redundans, per apostolicos Evangelii praeconum la-

bores, Deo favente, et fidelium numero et fidei firmitate non mediocres

profectus fecerit, spirituale dominici gregis bonum et regimen postu-

lare videtur, ut illius dioeceseos territorium dividatur et nova illic eri-

gatur dioecesis, alterius vigilantis Pastoris curis concredenda. Perutile

autem existimamus, ut omnium est in votis, huiusmodi dioecesium re-

gimen, quandocumque fieri poterit, clero indigenae committere, quippe

qui suorum civium linguam et mores melius quam alii noscentes, eos

ad Christi regnum facilius sane allicere valeant. Felicius itaque in dies

augescente catholica re in dioecesi Trichinopolitana in Indiis Orienta-

libus, quae latissimo patet territorio, peropportunum visum est, ad

maius illic Christifidelium bonum consequendum, in duas eam partes

dividere, harumque alteram indigenae clero seculari concredere iuxta

quod venerabilis Frater Ioannes Petrus Leonard, Episcopus Trichino-

politanus, consilium praebuit. De venerabilium igitur Fratrum No-

strorum S. R. E. Cardinalium S. Congregationi de Propaganda Fide

praepositorum consulto, praehabito quoque venerabilis Fratris Leonis

Petri Kierkels, Archiepiscopi titularis Salaminensis et in Indiis Orien-

talibus Delegati Apostolici, favorabili voto, Nos, omnibus mature per-

pensis, suppleto, quatenus opus sit, quorum intersit, vel eorum qui sua

interesse praesumant consensu, de apostolicae Nostrae potestatis ple-

nitudine, e dioecesi Trichinopolitana totum illius territorium separa-

mus, quod sub Episcopi illius dicione in praesenti exstat, ac tamen ad

civilem pertinet districtum de Tinnevelly, cum illa quoque parva regni

de Travancore parte ad orientem sita montium Ghats, nec non ad di-

strictus de Ramnad et de Madura, exceptis civilibus subdivisionibus,

vulgo taluks, de Paini et de Dindigul. Quod quidem territorium ita di-

stractum in novam dioecesim, Madurensern nuncupandam, erigimus et

metropolitanae Ecclesiae Bombayensi sufïraganeam constituimus eam-