1 9 2 Acta Apostolicae Sedis - Commentarium Officiale

cimo mensis Novembris eiusdem anni e vitae huius aestibus ad sempi-

ternam lucem excessit.

Piissimi autem viri corpus exiguo funere, quod profecto eius

absconditam silentio vitam temporumque tristitiam decebat, in Ro-

mano templo Benesuadae Mariae Virgini sacro conditum fuit, e quo

postea ad aedem SS. Iesu Nomini dicatam honorificentius fuit illatum.

Nomen vero suum fidelis Dei famulus sempiterno commendavit

aevo sive praeclarissima vivendi ratione, cum aetatem ageret, sive post

mortem variis prodigiis quae, eodem deprecante, a Deo ferebantur pa-

trata. Quam ob rem de Beatorum Caelitum honoribus eidem decernen-

dis Causa coepta est agitari.

Itaque, cum in Romanae civitatis Vicariatu atque in pluribus episco-

palibus Curiis de eius vitae sanctimonia inquisitiones, ordinaria aucto--

ritate institutae, rite absolutae fuissent, cumque S. Rituum Congregatio

easdem probavisset, Gregorius XVI, Decessor Noster, adhibitis sibi pre-

cibus concedens, die tricesimo mensis Septembris anno millesimo octin-

gentesimo quadragesimo secundo ut Causa induceretur indulsit.

Ceteris ad iuris normam religiose exactis, apostolicae inquisitiones

habitae sunt de venerabilis Servi Dei virtutibus sive theologalibus sive

cardinalibus, quas heroicum gradum attigisse Benedictus XV, Decessor

Noster, omnibus rite perpensis, die quinto et vicesimo mensis Martii

anno millesimo nongentesimo decimo septimo sollemni sanxit decreto.

Tum quaestio de miraculis, quae eodem deprecante Dei viro patrata

dicebantur, antea in « antepraeparatorio » et (( praeparatorio » comitiis

agitata fuit, ac deinde in « generali » coram Pio XI, Decessore Nostro,

habito. Quibus rite peractis, idem Pontifex die undevicesimo mensis Fe-

bruarii anno millesimo nongentesimo tricesimo tertio, ad altare sacris

operatus, sollemniter decrevit : Constare de duobus miraculis, Venera-

bili Iosepho Pignatelli intercedente, a Deo patratis, videlicet de instan-

tánea perfectaque sanatione tum Mariae Berthae Guiu Martinez a tu-

berculosi pulmonari abdominali coniuncta; necnon Sororis Mariae ab

Assumptione a lithiasi renali.

Unum porro erat discutiendum dubium : an stante approbatione vir-

tutum et duorum miraculorum, venerabilis Dei Servus Iosephus Pigna-

telli ad Beatorum Caelitum honores tuto provehi posset. De quo dubio

actum est die quinto et vicesimo mensis Februarii, eodem anno, coram

eodem Summo Pontifice Pio XI, qui, secunda omnium sententia audita,

die duodecimo insequentis mensis Martii proprio decreto sanxit : tuto

procedi posse ad sollemnem venerabilis Servi Dei Beatificationem.