192 LITTERAE APOSTOLICAE.

nii defensorem. 8°. Matrimonii defensor emolumenta accipiet, quae descripta sunt in praedicta Benedicti XIV. Constitutione.

XII . » In Regulares, et in eorum causas nulla Archiepiscopis et Episcopis per praesentes Litteras facultas conceditur, sed in eos, et in illorum causas in casibus a iure permissis ea tantum auctoritate uti poterunt, quae Ordinariis iuxta sacros Canones, Concilium Tridentinum, et Apostolicas Constitutiones revera competit. Quapropter ipsi Ordinarii nullo modo poterunt prae- tergredi limites a iure praescriptos, et impedire quominus Re- gularium Ordinum Superiores ad normam ac tramites peculia- rium cuiusque Ordinis Constitutionum suam iurisdictionem, auctoritatemque libere exerceant, ac procedant: secus senten- tiae ab Archiepiscopis, et Episcopis latae, et omnia alia acta ab ipsis gesta nulla et irrita omnino sint.

XIII . » U t autem Religiosis occurramus, qui causam de nulli- tate eorum professionis promovere volunt, non obstante Consti- tutione a Benedicto XIV, Decessore Nostro, quarto Nonas Mar- tii, anno 1747 edita, quae incipit « Si datam, » haec quae se- quuntur observanda esse mandamus. Si quis ultra quinquennium ad tramites Concilii Tridentini computandum causam instituere velit de restitutione in integrum, de hac re supplicare debebit Apostolicae Sedi. Si vero ex informationibus, quas super hac re sumendas existimaverit Summus Pontifex, preces exhibitas iu- stis inniti argumentis deprehenderit, in singulis casibus in Si- cilia unum, vel plures eiusdem insulae Episcopos designabit, cui, vel quibus preces remittet, ut de huiusmodi causa ad tra- mites iuris disceptent, ac decisionem edant, decisionemque ab iis latam nulli plane obnoxiam volumus appellationi apud quod- cumque tribunal. Si definitum fuerit, locum esse restitutioni in integrum, vel si quis infra quinquennii spatium causam inten- dere velit super nullitate religiosae professionis, causa erit in- stituenda coram Ordinario loci, ac Superiore regulari, qui Or- dinario ipsi, uti iudex assidebit. Fas erit Ordinario causam hu- iusmodi deferre ad suum tribunal definiendam; quod quidem tribunal constabit ex Vicario Generali, et ex personis ecclesia- sticis, inter quas iudex assideat Superior regularis, ita tamen, ut iudicum numerus dispar sit, et iisdem omnibus competat votum decisivum. Decisio hac ratione per Ordinarium edita, seu