192 APPENDIX II.

Honorii III cap. Litteras, De celebrat. Missar.; at nullo iure affirmari

potest, ritus commixtionem Apostolica aliqua Constitutione vetitam in-

duci ex eo tantum quod armenus, maronita, aut graecus iuxta ritum

suum in latina ecclesia, vel Missae Sacrificium vel alias coeremonias

cum populi sui ritus exerceat, aut versa vice latinus in orientalium

ecclesia idem praestet, dum praesertim legitima aliqua subest causa....

Vetita sane ritus admixtio esset, si latinus in fermentato consecraret,

ut Eucharistiam in fermentato consecratam latinis administraret. Idem-

que dicendum esset, si orientales qui azymi consuetudinem haud amplexi

sunt, in azymo ram divinam facerent, et genti suae sacram Euchari-

stiam in azymo distribuerent.... Vetita quoque ritus permixtio esset, si

latinus sacerdos, modo iuxta latinum, modo iuxta graecum ritum: aut

sacerdos graecus, modo graeco, modo latino ritu, Missam celebraret.

Id enim interdicitur in Constitutione S. Pii V quae incipit : Providen-

tia, quaeque est 21 Tom. 4 pari. 2 Buttar, novi Romae impressi; ubi

facultates omnes quae praecedentibus temporibus nonnullis presbyteris

super hoc concessae fuerant, omnino revocantur. Huic Constitutioni

S. Pii V congruit quoque praeindicata nostra (Etsi pastoralis) § 7 n. 10.

Quod si presbyteris Societatis Iesu qui collegiis Nationum orientalium

Romae erectis praesunt, et qui praedictae Societatis institutum ample-

ctentes, a graeco ritu ad latinum transierant, indultum fuit, uti supra

indicavimus, ut aliquando Missae sacrificium graeco, et orientali ritu

celebrent; hoc ideo factum est, sicut praemonuimus, ut alumni, qui

graecorum, et maronitarum ritum profiteri debent, Missam praedicto

ritu celebrare addiscant, et iuxta eumdem, divina officia toto vitae suae

curriculo persolvere : verum circumstantiae peculiares huiusce plane

singularis casus satis evincunt, non posse illum in exemplum afferri ad

similia indulta obtinenda: quo adeo verum est, ut, quamvis Cardinalis

Leopoldus Kollonitz Clementi XI Praedecessor! nostro exposuerit, valde

profuturum catholicae religioni, si latinis missionariis permitteretur, ut

in Hungaria graeco ritu celebrarent, quoties ita necessitas postulare

videretur, relicta tamen ipsis libertate, ut ad latinum ritum redirent:

idem tamen Pontifex perpendens animo debere unumquemque, iuxta

canonicas sanctiones, in suo ritu permanere, neque licere sacerdoti,

modo latino, modo graeco ritu celebrare, facultatem, quae a praedicto

Cardinali petebatur, impertiri recusaverit, uti patet ex eius Epistola in

forma Brevis, quam ad eumdem Cardinalem dedit 9 Maii anno 1705,

et quae continetur t. 1 Epistolar, et Brev. selectior. eiusdem Pontificis

typis editorum pag. 205.