188. De sancto Bernhardo.

1 a. Gaudiosus

Bernhardo decantet chorus
Alleluia ;

1 b. Quem constrinxit

Novis loris amor verus,
Res miranda.

2 a. In Clara Valle floruit,
Miro modo splenduit
Sol de stella ;

2 b. Vir, qui sic refloruit,
Fratres voce monuit
Semper clara.

3 a. Sicut Christus docuit,
Mitis semper exstitit
Pari forma:

3 b. Et, suis dum praefuit,
Relinquere docuit
Haec corrupta.

4 a. Iam in caelis iubilat,
Nova dote rutilat
Luce sumpta ;

4 b. Hinc flammantur ceteri,
Odor fragrat iam nardi
Valle nostra.

5 a. Os mutorum solvitur,
Caecis visus redditur,
Haeresis convincitur
Esse caeca;

5 b. Febres cedunt, saliunt
Claudi, morbi fugiunt,
Multa regna sentiunt
Haec praedicta.

6 a. Nunc ora, ut pia
Succurrat Maria,
Ut non vincat nos
gens misera,

6 b. Sed post exsilia
Ducat ad gaudia
Haec alma virgo
puerpera.