QUAESTIO UNICA.

Utram portio superior sit diversa potentia a portione inferiori ?

D. Thom. I. p . q. 79. art. 9. et hic q. 2. a. I. D. Bonav. 2. p . art. 2. q. 2. Richard. art. 2. q. 4 Durand. quaest, 4 Gabr. q. I. art . 3. Aegid. quaest. 2. Scol. inOxon . hic .

Circa distinctionem vigesimam quartam Magister determinat de adjutoriis ad resistendum, ponens quamdam distinctionem animae potentiarum, quaeritur unum, utrum portio superior sit potentia distincta a portione inferiori ? Quod sic, quia secundum Augustinum 12. de Trinit. 4. imago est in superiori portione, in inferiori non est ; sed non potest simul esse, et non esse in eodem ; igitur est alia potentia.

Item, potentiae distinguuntur per objecta 1. de Anima, text. 33. sed objectum superioris portionis est aeternum, objectum inferioris portionis est temporale ; igitur istae potentiae distinguuntur.

Oppositum, Augustinus ubi supra in principio capituli, non dicimus eas distinctas, nisi tantum penes officia geminamus.