Acta PU Pp. XU 1 9 3

Huius autem Beatificationis sollemnia statis celebribusque caere-

moniis in Petriana Basilica die uno et vicesimo mensis Maii eodem anno

millesimo nongentesimo tricesimo tertio magno cum splendore ingen-

tique fidelium frequentia habita sunt.

Cum vero post decretos eidem Beato supernorum Caelitum honores

eiusdem cultus percrebuisset, et ipso deprecante nova dicerentur a Deo

effecta miracula, supplices Apostolicae Sedi preces admotae sunt ut

Causa eiusdem Beati, sanctitatis infula decorandi, resumeretur. Qui-

bus Decessor Noster Pius XI die undevicesimo mensis Iunii anno mille-

simo nongentesimo tricesimo quinto libenter annuit.

Duo propterea miracula S. Rituum Congregationi proposita sunt,

quae hic breviter narrantur.

Prius miraculum contigit Mariae a Rosario Gómez Alcalde, quae ob

durius revirescentem tubercularem osteitiden in sacro osse, qua a pue-

ritia laborabat iam erat moritura. Sed cum sanationis petendae gratia

novendiales supplicationes honori B. Iosephi Pignatelli die nono mensis

Decembris anno millesimo nongentesimo tricesimo septimo coeptae es-

sent, in ipsa nocte aegrota omnino ex morbo convaluit. Quam sanatio-

nem periti medici, atque medicum S. Rituum Congregationis Colle-

gium, post multas inspectiones, naturae vires excessisse pronuntiarunt.

Alterum miraculum quendam spectat agricolam nomine Iosephum

Vincentium Bohigues Cloquell, e Valentina archidioecesi; qui cum an-

num ageret undevicesimum, mense Ianuario anno millesimo nongente-

simo quinquagesimo secundo exitiali fuit attactus morbo, qui a medico

S. Rituum Congregationis Collegio definitus fuit rheumatismus septicus

cum infausta prognosi quoad vitam. Die autem octavo mensis Februarii,

cum aegrotus ob morbi gravitatem adhuc lecto immobilis haereret, in

eius pectus imposita fuit B. Iosephi imaguncula cum quibusdam eiusdem

corporis reliquiis, atque ardentes ingeminatae sunt preces ob aegroti

sanationem ; qui ferme post sex horas e morbo confirmatus est, ac me-

dentes usum sive anathomicum sive functionalem, quem dicunt, perfecte

restitutum in venerunt.

utrumque hoc signum a S. Rituum Congregatione diligenti examine

expensum est, sive in « praeparatorio » conventu die vicesimo tertio

mensis Martii hoc anno, sive in « generali » coram Nobis die quarto

superioris mensis Maii. Quo in generali comitio venerabilis Frater No-

ster Benedictus S. R. E. Cardinalis Aloisi Masella, Episcopus Praene-

stinus, Causae ponens seu Relator, proposuit discutiendum : « An et de

13 - A C T A , vol. XXII, n. 4 - 20-4-1955.