Sermo III.

Sermo fratris Bonaventurae Parisius in Capitulo, mane.

Erat I esus eii ciens d aemoniu m, et illud erat mutum, Lucae undecimo.

I n isto verbo duo tanguntur: primum est operatio divinae potestatis; secundum est vexatio diabolicae improbitatis. Primum, ibi: Erat Iesus eiiciens daemonium; secundum, ibi: et illud erat mutum, hoc est mutos faciens; non solum enim vexabat inferendo malum poenae, sed etiam subtrahendo sensum loquelae.

I. Quoniam secundum rectum ordinem prius oportet cognoscere nocumentum quam medicamentum; ideo praenoscendum, quod daemonium habet vexare peccatorem sibi subiectum: in exstinguenda in eo spiritum vitae in peccatorum commissione; Tobiae sexto : Audivi, quia tradita est septem viris et daemonium, nomine Asmodaeus, occidit illos.

Pervertendo motum sive modum iustitiae in peccatorum multiplicatione; Lucae octavo: Ruptis vinculis, agebatur a daemonio in deserta.

Subtrahendo usum loquelae in peccatorum celatione; Matthaei nono: Obtulerunt ei hominem mutum, daemonium habentem. De his simul Apocalypsis decimo sexto : Vidi de ore draconis et de ore bestiae et de ore pseudoprophetae exire tres spiritus immundos in modum ranarum. Sunt enim spiritus daemoniorum facientes signa et procedunt ad reges totius terrae. Hoc enim triplici modo, si exerceat diabolus tam per se ipsum quam per antichristum quam per exercitum daemonum, non erit nisi super reges terrae, huic mundo adhaerentes tripliciter, secundum quod regnum mundi est tripartitum in concupiscentiam carnis, concupiscentiam oculorum et superbiam vitae.

Non igitur exeunt daemonia, nisi ut exstinguant spiritum vitae in lascivis; Tobiae sexto : Daemonium praevalere potest his qui coniugium ita suscipiunt, ut Deum a se et a sua mente excludant etc

Ut pervertant motum iustitiae in avaris; Apocalypsis decimo octavo : ''Cecidit, cecidit Babylon magna et facta est habitatio daemoniorum.

Ut subtrahant sensum loquelae in superbis; primae ad Timotheum quarto: Attendentes spiritibus erroris et doctrinis daemoniorum, in hypocrisi loquentium mendacium. Nota, quod in huiusmodi persona daemonium primo pervertit intellectum sive iudicium, secundo deordinat studium, tertio damnificat ''eloquium.

II. Cum igitur daemonia his tribus generibus hominum tria inferant nocumenta, necesse est, quod Salvator et medicus. Deus Iesus, sanet per contraria medicamenta, ita quod, sicut diabolus per spiri tum malignum tripliciter vexat, per Spiritum sanctum tripliciter sanat, secundum quod hodie in Evangelio legitur : Si in digito Dei eiicio daemonia, profecto pervenit in vos regnum Dei. Iste enim est digitus ille triplex tripliciter sustentans Ecclesiam; Isaiae quadragesimo: Quis appendit tribus digitis molem terrae?

Qui etiam descripsit Legem, Exodi trigesimo primo. Primus est spiritus detestandi malum, secundus diligendi bonum, tertius discernendi verum; per quae tria habent eiici et repelli daemonum nocumenta, et ad quae tria ordinatur Lex tota, et per quae tria stabilitur Ecclesia tota, et per quae omnis iustitia consummatur.

Spiritus autem detestandi malum operatur severitatem compunctionis, per quam elicitur daemonium lasciviae; Tobiae sexto : Cordis eius particulam si super carbones ponas, fumus eius extruat omne genus daemoniorum.

Spiritus diligendi bonum operatur suavitatem devotionis, per quam elicitur daemonium avaritiae; Matthaei decimo septimo: Hoc genus non elicitur nisi per orationem, et ieiunium.

Spiritus discernendi verum operatur simplicitatem confessionis, per quam ejicitur daemonium superbiae; Matthaei nono: Electo daemonio, loculus est mulus etc.; Marci ultimo: In nomine meo daemonia eiicient, linguis loquentur novis.