194 ILCINEN.

agebat in quodam'Oratorio, dictae ecclesiae proprio eidemque coniuncto. Haec autem, erecta sub finem elapsi saeculi, usum a Capitulo obtinuerat praefati Oratorii sub quibusdam condi- tionibus in speciali conventione expressis et quadam depen- dentia-a Capitulo, iuxta statuta ab Episcopo Iosepho Pecci anno 1793 approbata.

At vero haec aliaeque fere omnes confraternitates sensim defecisse videntur; adeo ut, sive ex hac, sive ex alia qua- libet causa, anno 1869 novum quoddam Sodalitium, a mi- sericordia dictum, loco veterum omnium confraternitatum, erigi placuit. Nihil autem in constitutionibus in specie dicitur circa* modum sacras functiones peragendi, easque cum iuribus sive Capituli sive parochi, qui Capituli Archidiaconus est, componendi. Unde controversiae causa.

Gubernator, qui hodie est quidam sacerdos Fabiani, as- severat : sese ab institutione huius sodalitii omnes sacras functiones, et officia piacularia explevisse, Missam cum cantu die 8 Septembris, Missamque solemnem de requie die 2 No- vembris cuiuslibet anni celebravisse. Ast Archidiaconus pa- rochus obsistit, appellans ad praefatam conventionem tum ad ius commune tum praesertim ad statuta quae Episcopus Pecci probavit pro sodalitio Corporis Domini, cui successisse autumat confraternitatem a misericordia.

Disceptatio Synoptica.

QUAE FAVENT SODALITIO. Et praeprimis ius peragendi enuncíalas functiones pio sodalitio spectare, independenter a parocho, Gubernator acriter contendit ex eo quod illae non sunt de iuribus parochialibus. Tralatitiam vero esse in iure distinctionem inter functiones et iura quae ad parochum exclusive pertinent, et illas quae non sunt mere parochiales, quaeque sacerdotales potius vocantur, ceu docet Monacellus Form. legal, tom. 10. Et in hisce postremis nullam regu- lariter parochum habere potestatem , et in aliis ecclesiis peragi posse, independenter ab ipso.

Hoc ut probet Gubernator affert notissimum decretum ge-