194 Ex S. C. Rituum

nario ad praecepta Concilii Tridentini instituendo operam dederit, theologicis studiis diligentius excolendis optimos prae- fecit doctores atque magistros. Synodum saepe coegit, et sicut populo concionum pabulum ita pueris et puellis chri- stiana cathechesis, sub tali pastore, nunquam defuit. Egenis pauperibusque opem tulit Franciscus, eorum pater et colu- men merito appellatus. Iustitiae vindex et assertor Ecclesiae iura contra potentiorum conatus tueri non destitit. Ob spe- ctatam eius prudentiam, probante Clemente VIII, Apostolicus Italiae Episcoporum Visitator deputatus fuit. Deinceps Le- gatus in Galliam missus diuturnas dissensiones inter Hispanos et Gallos ita composuit, ut omnium et praesertim illarum nationum Regum atque ipsius Pontificis expectationi et votis omnino responderit. Muneribus honoribusque cumulatus sem- per amavit se nesciri, et Sancti Patris Francisci fidelis di- scipulus vitam poenitentem atque humilem cum pastoralis officii sollicitudine et multiformis charitatis exercitiis apprime coniunxit. Mantuae morbo correptus, pecuniam quae super- erai, ad ultimum usque quadrantem pauperibus distribui ius- sit. Franciscali veste indutus SS. Viaticum atque Extremam Unctionem devotissime recepit. Tandem pluribus pietatis editis signis, piissimam animam exhalavit die 11 martii anno 1620. Eius sanctimoniae fama evulgata et in dies suc- crescente Processuales tabulae, ordinaria auctoritate, in Curia Mantuana anno 1626 confectae fuerunt, et anno sequente 1627 commissio de Causa rite introducenda a Summo Pon- tifice signata est. Verum quamvis acta de non cultu Ven. Servi Dei anno 1638 probata fuerint, atque etiam datae lit- terae Remissoriales anno 1658, quibus Inquisitio Apostolica super virtutibus inchoata, perfecta et ad Sacrorum Rituum Congregationem etiam delata sit, tamen eiusmodi Causa ab eo tempore siluit. Ad renovandam vero memoriam et pro- vehendam Causam beatificationis tanti viri, Rmus P. Cyrus a Pisauro, Ordinis Minorum Postulator Generalis, plura ex