195. De sancta Barbara.

1. Ave, Barbara beata,
Martyr quoque Deo grata,
Afflictorum advocata,
Tu adiutrix sis rogata,
Ut defectus et peccata
Nostra per te sint ablata.
Sponsa Christi es vocata,
Audi, quaeso, mea vota,
Propter tuam passionem
Tutum meum fac agonem.

2. Salve, candens margarita,
In cubili regis sita,
Quae in aula nuptiali

Et conventu virginali
Locum tenes praeparatum,
Sponsum nobis fac placatum.

3. Ave, gemma claritatis

Ad instar carbunculi,
Ave, rosa paradisi,

More fragrans balsami,
Barbara, virgo nobilis
Martyrque dives meritis,
Te orantes

protege a periculis
Ac caelorum

iunge gaudiis.