192. De sancta Katharina.

1. Ave, o eximia

Virgo Katharina,
Exorta de Graecia,
Martyr et regina,

2. De tua praesentia
Mons exsultet Sina
In omni augustia
Mihi sis vicina.

3. Ave, quae Maxentium
Caesarem sprevisti
Et ad Christum gentium
Rhetores duxisti,

4. Rotarum supplicium
Prece confregisti,
Jucunda post gladium
Coclos introisti.

5. Ave, quae in gloria
Locum tenes gratum,
Vide me in varia

Culpa, quaeso, natum,

6. Currentem per devia
Adhuc per peccatum,
Spernentem felicia,
Fac fine beatum.

7. Ave, virgo, propera
Mihi in solamen,
Exurgens ad prospera
Tuum per levamen,

8. Da, ut spernam scelera,
Mihi respiramen,
Scandam super sidera
Tuum per ducamen.

9. Ave, mea gloria,

Ave, vas virtutum,
In mortis angustia
Ferto mihi scutum,

10. Fac mea fallacia
Satanae solutum,
Praebe ad coelestia
Iter milii tutum.