Sacra Congregatio Rituum 195

anteponit; ideo Beatus noster qui magis derelicti, qui magis despecti aut

quavis deformitate foedi, eos ceteris praeponebat. Nemini aptius quam ei

verba Iob videntur congruere: Oculos fui caeco et pes elaudo, pater eram

pauperum (Ob., 27, 15-16). Sed, vel brevissime, nonnulla de eius vita

gratum est delibare.

In oppido, vulgo Bra nuncupato, provinciae Cuneensis, tunc in dioecesi

Astensi, anno 1786 ortus est, eique sequenti die baptizato nomina Iosephi,

Benedicti et Augustini indita sunt. Parentes eius Ioseph Antonius et Bene-

dicta Clarotti spectatissimae virtutis in exemplum fuere, duodenosque

susceptos filios in Bei timore et amore, summa adhibita cura, educavere,

uti eventus comprobavit. Iosephus Benedictus inde a teneris unguiculis

amore in pauperes ita iam ferebatur, ut gaudio gestirei quum eis auxiliari

sibi datum esset. Divino veluti instinctu ad sanctitatem se allici persen-

tiebat: Ego sanctus ero: sanctum volo fieri passim puerulus dictitabat,

piumque hoc optatum benigne excepit Deus. Octo annos natus sacro

chrismate delibutus, ut bonus Christi miles, qui iura sui Begis tuetur, iam

inde animarum saluti pro suo posse incumbebat,vicinos quosque ad sacrum

Mariale rosarium una simul recitandum invitans. Novennis sacrae synaxi

admissus, saepe, prout ei datum erat, ad eam accedebat, insidias, astus,

immo et apertam vim illatam a daemone, eum ab ea avertere conante,

fortiter superando. Deo suaviter ad sacerdotale munus vocanti alacer

obsequutus, die 8 Iunii mensis anno 1811 sacrum Presbyteratus ordinem

Augustae Taurinorum suscepit. Braida primum et Cornelianum, Augusta

Taurinorum postea, sacerdotalis eius zeli uberrimus fuerunt campus. Ca-

nonicus dum esset Collegiatae Ss. Trinitatis in ecclesia Ss. Corporis Domini,

Septembri mense anno 1827 vocatus ad morientium sacramenta cuidam

mulieri administranda, eam invenit in quodam foedissimo confugio anhe-

lantem, circum plorantibus viro ac tribus teneris filiolis: quippe misella

e Mediolano in Galliam iter faciens, Taurini gravi correpta morbo ex pu-

blicis omnibus infirmorum hospitiis reiecta, animam, omni ope destituta,

iam agebat. Quo spectaculo Beatus noster tanto est commotus dolore, ut

misella vix demortua, in suam ecclesiam reversus a Beata Virgine implo-

randum lumen duxerit, ut clarius agnosceret quid sibi, ex voluntate Dei,

factu opus esset ad tam lugendis casibus occurrendum. Itaque, licet in-

tempesta hora, aes campanum pulsari iubet, et una cum populo Laure-

tanas Litanias ante altare Eiusdem sub Gratiarum titulo cantat. His abso-

lutis, in sacrarium rediens: Facta est gratia, gaudio gestiens exclamat,

obtenta iam gratia: benedicta iterumque benedicta sit Sancta Domina nostra.

Dei comperta voluntate, domum in loco « Volta rossa » nuncupato, prope

eandem ecclesiam, conduxit, inque eam, nonnullis lectis instructam,