SOLUTIONIS 195

pensiones; idque causa Canonici Prioris, qui non accurate in- ventario tradendo prospexisset : ideoque Priorem, qui causam damni dedisset, damni teneri.

Quod si ex adductis non pateret ius iuniorum in pensiones seniorum; non posse tamen dubitari de iure ex promissione de- rivante, quum sub ea promissione tesseram nummariam iunio- res subsignaverint. Neque cessavisse eiusmodi obligationem ob recusationem a iunioribus factam acceptandi conditionem a se- nioribus postea appositas; etenim mutare consilium quis non potest in alterius detrimentum, Reg. juris 33 in 6 ; neque debito- rem posse facere deteriorem creditoris conditionem: neque si- lentium ex adverso iactatum posse eliminare obligationem, donec legitima praescriptio non consurgat.

EA, QUAE ANIMADVERSA SUNT PRO SENIORIBUS. Contra vero animadversum est, non esse satis iunioribus ostendere, se mi- nores prae fructibus genuinis accepisse pensiones, sed ostendere debere, quod minus sibi traditum, fuisse collatum ex non aequa partitione senioribus; aut seniores causam fuisse damni sibi illati : in praesenti autem themate neutrum ostensum videri : immo e converso, computatione rite facta, apparere pensiones seniorum ne attigisse quidem summam antea perceptam.

Neque constare, seniores damno dedisse causam. Quare obligationem supplementum iunioribus dandi posse

dumtaxat repeti ex promissione: sed iuniores reiiciendo condi- tiones, quae natura sua cohaererent cum dicta promissione, eo ipso eliminasse eam obligationem; quum non possent gravio- rem reddere seniorum obligationem, quasi vero seniores ex ea promissione evaserint correi debendi; iuniores autem correi sti- pulandi, ita ut in solidum primi debitores et secundi creditores perpetuo evaserint: id enim praesumi non posse, quum stipula- tiones cum minori damno proinittentium sint intelligendae, I. 38 §. 18 ff. de verbor. obligat. « In stipulationibus, quum quaeritur quid actum sit, verba contra stipulatorem interpretanda sunt: » item I. 9 ff. eod. tit. « Quidquid adstringendae obligationis est, id nisi palam verbis exprimatur, omissum intelligendum est. Ac fere secundum promissorem interpretamur, quia stipulatori liberum fuit, verba late concipere. » Praesertim quum obligationes in so- lidum non sint praesumendae, sed explicite probandae, Authent. Hoc ita, de duobus reis const., et I. 3 C. eod. tit.