APPENDIX II. 195

S. C. de Prop. Fide - C. G. 25 Iulii 1887 -Deleg. Ap. Mesopotamiae.

Quoad uxores quae sequuntur ritum virorum suorum.

Decretum S. G. anni 1759 quod permittit « ut uxores suorum vi-

» rorum ritum sequantur, dummodo uxor non sit ritus latini » ex se

patet, et a nullis fuit negatum; verumtamen circa extensionem et in-

terpretationem practicam huiusmodi facultatis variae oriuntur quaestio-

nes quas exponere liceat.

1. Utrum in casu proposito detur differentia inter verbum sequi

in praesenti decreto usurpatum, et verba eligere et adoptare quae alibi

pro casu identico reperiuntur.

2. Utrum facultas facta mulieri nubenti sequendi ritum viri sui,

aequivaleat verae mutationi ritus pristini, ita ut omnibus obligationibus

ritus maritalis teneatur, etiam mortuo viro.

3. Utrum mulier quae non potuit aut non voluit sequi seu ado-

ptare ritum viri sui, nihilominus eidem sese conformare valeat in ieiu-

niis et diebus festis propter necessitatem vel sine necessitate. Quaenam

proinde necessitas requirenda, et quae licentia.

4. Utrum mulier quae tempore initi matrimonii prorsus ignoravit

sibi licere ritum viri sui sequi seu adoptare, et post cognitum errorem,

declarat se libenter eumdem adoptaturam fuisse si scivisset, et nunc

quidem idipsum sequi cupere, possit dicta mulier quasi innovato be-

neficio gaudere, et deinceps ritum maritalem, nova facta declaratione,

sequi et adoptare.

5. Utrum recenter et reapse, uti asserere volunt nonnulli, S. Sedes

declaraverit mulierem, quae secuta est modo regulari ritum viri sui,

ad pristinum ritum reverti posse aut etiam violenter reduci.

R. Ad 1. Negative.

Ad 2. Affirmative.

Ad 3. Negative absque Apostolica dispensatione.

Ad 4. Affirmative.

Ad 5. Recurrendum in singulis casibus.