193. De sancta Katharina.

1. Ave, dulcis Katharina,
Virgo martyr et regina,
Florens rosa sine spina,
Vitiorum de sentina

2. Me dignare sublevare
Et a malis liberare,
Propter tuam passionem
Tutum meum fac agonem.

3. Virgo prudens et formosa,
Paradisi vernans rosa,
Gloriosa sponsa Christi,
Hostes omnes tu vicisti.

4. Apud Christum impetrato
Tuo interventu grato,
Ut et ego superare,
Tibi queam conregnare.

5. Pretiosa margarita,
In coelesti throno sita,
Thorum tenes praeparatum,
Sponsum mihi fac placatum.

6. Esto fida mediatrix
Felixque interpellatrix
Apud Christum, qui tuorum
In pressuris tormentorum

7. Te confortans visitavit
Et finaliter salvavit.
Oro, virgo, visitare
Ut digneris et juvare

8. Me in tribulatione

Mundi nec non in agone
Et ipsius salutare
Mihi velis impetrare.

9. Quando hinc sum transiturus
Et a mundo exiturus,
Precor, virgo praeamanda
Et a cunctis veneranda,
10. Ut tunc praesens esse velis,
Inimicus ne crudelis
Mihi queat insultare
Et terrendo fatigare.

11. Sed ad vitam perventurus
Possim ipsum conditorem
Contemplari cum beatis
In conspectu trinitatis.