496 REMOTIONIS lAPEDIJÍEÑfí

meato confirmata, si alia quae praecesserint adhuc in suo ro- bore maneant.

II. Ex DD. sententia nulla pariter fieri secunda sponsalia etiamsi eisdem accesserit carnalis copula, et pars illa cum qua contracta fuere ignara fuerit priorum sponsalium ; vel quoque si sponsus noverit sponsam fuisse a priori sponso defloratam cum promissione matrimonii, dummodo iste prior in coniugii proposito permaneat.

III. Eiusmodi sententiam haud esse basi destitutam ex eo colligitur quod per sponsae culpam sponsi ius laedi non de- beat ; nam lata fraudibus et collusionibus sterneretur via, quatenus copula carnali, quae facile admitti posset, priora sponsalia , rite inita , infirmari possent , fidesque prior eludi.

IV. Rite praesumendum esse sola spe futuri matrimonii honestam puellam suae virginitatis iacturam facere : istoque facto, quod verbis est potentius, suam praestare repromissio- nem in matrimonio.

V. Inter causas, quibus sponsalia dissolvi licet, apprime cooptari sponsae devorationem ab alio peractam ; tum quia notabilis in muliere supervenit mutatio , tum quia nefas sit ducere corruptam.

VI. Proindeque vigore sponsalium haud obstringi matri- monium contrahere, qui sponsalia iniit cum puella, quae se virginem esse finxit, cuiusque ignoravit impudicitiam ; quia in iure magno in pretio habetur exceptio deflorationis ab alio perpetratae, et quia ex regula iuris « quod latenter et per vim vel alias illicite introductum est, nulla debet stabili- tate subsistere. »

VII. Verumtamen censeri suo iuri cessisse, qui scienter et voluntarie sponsalia cu:n deflorata iniit ; eoquod cum ea sic contrahendo mores eius approbare videatur.

VIII. Videri in themate notam fuisse sponso praeceden- tem deflorationem, quinimo illum peccavisse eodem modo quo puellam postea redarguii ut sponsalia cum ea inita declararen- tur irrita.