196 ILCINEN.

capellano deputato, numquam vero a parocho loci. Imo in ipsa ecclesia collegiali ac parochiali s. Quirici, Sodalitas del Suffragio, quae praeservata fuit a suppressione, in suo al- tari eamdem semper servavit consuetudinem, peragendo nempe sacras functiones absque ulla parochi delegatione, quin ex adverso parochi unquam aliquid obmussitaverint. Iam vero quanti facienda sit , in hisce maxime rebus, ob- servantia, nemo est qui ignorat.

Quod si de praxi sodalitii a misericordia capellanus contrariam potius emisit declarationem, id omnino ex men- dacio factum esse, ait Gubernator; et heic ad labefactandam eius fidem plura congerit contra eiusdem probitatem: con- suetudinem vero sodalitii evidenter in sui favorem demon- stratam iri dicit, 1. ex attestatione spectatissimi viri; 2. ex quadam epistola parochi Ceccarelli die 18 Februarii 1870 ad Gubernatorem missa , qua querelam movebat ob viola- tionem suorum iurium; 3. demum ex ipsis statutis confrater- nitatis.

Conventiones vero et concordias, si quae interfuere cum antiquis extinctis associationibus, has nunquam obligare posse sodalitium a misericordia noviter erectum ; quandoquidem organica statuta, quibus regitur, absque pactis et conventio- nibus, ab auctoritate ecclesiastica adprobata fuerunt.

QUAE FAVENT PAROCHO. Parochus at vero diversa disserit. Et primo praetereunda non est contra gubernatorem exceptio, qua admissa, eiusdem preces in ipso iudicii limine reiici posse viderentur: videlicet ipsum nullum habere ius sistendi in iudicio, utpote legitimo mandato ac consensu sodalitatis carens. Etenim quamvis deputatio confraternitatis coadunata die 22 Februarii 1884 ratum habuerit quidquid a Guberna- tore usque tunc actum fuerat relate ad praesentem causam, tamen praesens negotium videtur non esse ex genere illo- rum in quibus deputatio ex se libere procedere valet, sed requiri approbationem a generalibus dandam comitiis , ceu Ordinarius censet, perpendens sodalitii consuetudinem et sta- tutorum dispositiones.