i97

APPENDIX I.

Licet quae sequuntur documenta nec sacrae theologiae nec canonici iuris scientiam proxime respiciant; attamen nec a proposito nostro penitus abludunt, et gratissima esse futura lectoribus nostris certissime scimus. Ea enim primo ad germa- nos eosque maximos non fucatos ac spurios Michaelis Angeli Bonarotae honores pertinent; cuius nomen bonis omnibus, nedum italis qui patria digni sint, carum ac sanctum fuit semper et erit. Unde nos inter acta nostra iterum ea docu- menta vulgantes, tum symbolam nostram conferimus ad rite recolendam memoriam summi viri quarto ab eius nativitate mox elapso saeculo; tum iis occurrimus, qui diverso studio abrepti ac meridiana in luce stertentes, nescio quem alium Michaelem Angelum cerebro suo confixerunt deque eo verba fecerunt. Deinde cum paucos ante menses duo nebulones seu sycophantae extiterint; qui in hoc ipso artium bonarum omnium domicilio ac sede principe Romanis P P . calumniad sint quasi bonis artibus omnibus nedum et musicae (risum teneatis amici) vel parum faverint vel etiam infensi ac molesti fuerint, ex hac ipsa horum documentorum lectione quid de illis duobus sentiendum sit cuique sano patebit. Insanis utique, qui in urbe bonarum artium monumentis undequaque confertissima aut ignorant aut ignorare se simulant quam optime de eisdem arti- bus perpetuo meruerint Summi Pontifices, haec omnia inutilia fore non dubitamus, cum facilius caput asini lavari possit quam eorum mentes mutari qui vel ab prensatione vel ab stultitia- rum magnitudine nomen sibi fecere

Illos etiam, qui cum auribus audiant et oculis videant et manu tangant attrectent vix minorem artium ac religionis