EPISTOLA 197

lores et iudices offenderit viros cetera probabiles, quod in re- ligione catholica defendenda strenue ingenioseque élaborent. Ouibus ad rem aequius aestimandam, nosse satis erat , eam , quam diximus, animi declarationem auctoritate, aut hortatu, aut saltem assensu Episcoporum peractam fuisse. Praeesse enim et consulere rebus, quae ad religionem catholicam pertinent, Episco- porum est, quos Spiritus Sanctus posuit regere Ecclesiam Dei : ceteros autem subesse et obtemperare oportere perspicuum est.

Igitur ea, quae expetebatur, declaratione proposita, religio- sis familiis minus timendum videbatur .-Verumtamen maxime dolendum est gubernatoribus rerum Galliae publicarum pergere placuisse quo instituerant; iamque illinc nuntii Nobis in dies afferuntur acerbi ac tristes; reliquas etiam ordinum religioso- rum familias disiici atque ad interitum vocari coepisse. Qua quidem nova, quam Gallia iam sentit, pernicie Nos graviter commovemur, vehementerque angimur; atque iniuriam , quae Ecclesiae Catholicae infertur, deploramus ac detestamur.

Interea tamen cum saeviat atrociter bellum et acriora haud procul sint e conspectu certamina, Nostri muneris est instituta Ecclesiae ubique conservare invicta stabilitate constantiae , et forti excclsoque animo iura tueri, quae sunt fidei Nostrae com- missa. - Quam ad rem omnino confidimus, nec tuam Nobis , Dilecte Fili Noster, nec ceterorum Venerabilium Fratrum ope- ram defuturam, qui obsequcntem Nobis animum egregiamque voluntatem modis omnibus testari numquam intermittunt. Vobis igitur adiuvantibus, illud Deo aspirante consequemur, ut in his temporibus rebusque tam trepidis admirabilis illa coniunctio re- tineatur, a fide et caritate profecta, qua christianas gentes, Epi- scopos universos et supremum Ecclesiae Pastorem colligatus in- ter sc esse necesse est.

Hac spe freti Tibi, Dilecte Fili Noster, Venerabilibus Fra- tribus Episcopis Galliae, Clero populoque curae vestrae concre- dito, divinorum munerum auspicem ct. praecipuae benevolentiae Nostrae testem, Apostolicam Benedictionem peramanter impertimus.

Datum Romae apud S. Petrum die XXII Octobris Â. MDCCCLXXX, Pontificatus Nostri Anno tertio.

LEO PP. XIII.