BELLUNEN. 197

» iurispatronatus sint, ita collapsas refici et instaurari pro- » curent ex fructibus et proventibus quibuscumque ad eas- » dem ecclesias quomodolibet pertinentes » clara mente docet, propter necessitatem aut eam utilitatem, quae cum morali necessitate confunditur, non solum fundatorum et beneficiorum leges posse immutari, sed et onera beneficiis annexa ad alios prorsus usus converti valere. Et merito quidem; quia haec missarum legata, praeter suffragii ratio- nem, pro institutore, habent rationem eleemosynae et sub- sidii pro ecclesiae necessitatibus et ministris.

Restat itaque videndum, num in themate haec gravis necessitas habeatur, quae suadeat bona ad missae celebra- tionem legata converti in parochialis congruae augmentum. Et ad hunc effectum primo valet afferri tenuitas huius con- gruae quae iuxta Episcopi relationem ad libellas 500 tan- tum elevatur.

Addas secundo oportet, quae idem Praesul ad rem con- siderat, nimirum quod perantiqui fundatores bona relique^- runt pro beneficiis istis quando per Apostolicas constitutio- nes nondum determinata fuerat obligatio parochorum de applicatione Missae diebus festis. Ideoque non incongrue censeri potest quod pii fundatores non adiecissent alia onera, si obligationem illam cognovissent, ne duplici onere eodem die gravarentur parochi. Et haec quidem quoad missas prae- ceptas diebus festis praesertim sub n. 1: sed eamdem ratio- cinationem valere quoque pro missis sub numeris 2 et 3 comprehensis, quandoquidem cum eae quoque pro plebe li- tari iubeantur, iam dici potest hoc factum fuisse, quia tunc temporis applicatio pro populo adhuc lege non erat prae- scripta, neque fiebat.

At cum hodie ecclesiastica disciplina huic applicationi caverit, parochi loci Cusighe viderentur duplici lege, eccle- siastica generali et peculiari praescripto tabularum sui be- neficii, ad unum eumdemque actum teneri, et duplicem legem unum eumdemque terminum et effectum habere. Exemplo sit quae in votorum materia traditur : catholica