194. De s. Brigida Virgine.

1 a. Gloriosae

Brigidae votiva festa
Recolamus,

1 b. Venerantes

Hanc diem praeclaram omnes
Concinamus.

2 a. Concrepet organicis
Modulis et canticis
Haec, Brigida,

2 b. Proferat haec contio
Laudem, et devotio
Sit sincera.

3 a. Hanc fuisse filiam
Dupthati ducis unicam
Tradunt scriptas

3 b. Annis puerilibus
Signis et prodigiis
Fuit clara.

4 a. Quia nec obsequia
Praetermittens aliqua,
Quae ad Christum

4 b. Pertinebant; igitur
Cultus vanos respuit
Venerari.

5 a. Huic sanctae Brigidae
Voluit tribuere
Christus tantam gratiam,
Ut in virtute

5 b. Patris atque filii

Sancti quoque spiritus
Morbos cunctos que lepram
Posset sanare.

6a. Ora pro populo,
Precare pro clero,
Patrona nostra
o Brigida;

6 b. Astantem populum,
Laudantem te clerum
Fove et rege
per saecula.