£98

SANCTISSIMI DOMINI NOSTRI

L E O N I S

DIVINA PROVIDENTIA

P A P A E X I I I

ALLOCUTIO

HABITA DIE XIII DECEMBRIS MDCCCLXXX AD S. R. E. CARDINALES

IN AEDIBUS VATICANIS

Venerabiles Fratres

Si fuit in re christiana tempus ullum difficile et plenum laboribus, hoc profecto est, cum in pluribus Europae partibus Ecclesiam intuemur acerbissimis iniuriis affectani, iisque tam variis tamque multis, ut prope in singulas horas de libertate, de iuribus, de dignitate sua dimicare cogatur. Etenim crescente passim rerum malarum audacia, divina religionis maiestas con- temnitur, instituta catholica violantur, iniquae leges cum mani- festo fidei et salutis animarum discrimine praescribuntur. Quam ob rem si omnibus, quotquot sunt amantes catholici nominis, iusta caussa est, cur praesentibus eius aut periculis aut incom- modis commoveantur, multo Nos vehementius angimur, et praeci- puum quemdam dolorem sustinemus. - Nihilominus tamen placet hodierno die ab earum rerum molesta contemplatione tantisper avocare mentem, atque illuc potius convertere, unde solatium Nobis aliquod oblatum videmus ; ad Ecclesias Orientis intelli- gimus, de quibus ipsis ad Vos loquuti sumus , cum tempora postularent. Alias enim in hoc amplissimo loco commemoratae a Nobis sunt curae singulares, quas sub ipsa Pontificatus Nostri exordia in populos Orientis conferre properavimus. Idque per- libenter egimus, non solum ob eam caussam, quod eorum ne - , cessitatibus mature occurrere oportebat, sed etiam quia, divinae