EXPOSITIO TEXTUS.

Deinde, (sig. 10) ponit secundam probationem sumptam ex ipsa divina operatione : quia ipsa operatio mundi sensibilis, est quaedam propositio sensibilium et visibilium quibus invisibiles rationes quae in mente divina fiunt, probantur, sicut dicit Apostolus ad Rom. I, 20 : Invi-

sibilia Dei... per ea quae facta sunt,etc. Et melius ad Hebraeos, XI, 3 : Fide intelligimus aptata esse saecula verbo Dei, ut ex invisibilibus visibilia fierent. Et ita patet, quod necessarium est, quod occulta divinitatis sensibilibus symbolis proponantur,

Deinde ponit tertiam probationem sumptam ex divisione sacrae Scripturae, et dicit secundum expositionem Commentatoris, quod propter hoc, scilicet quod necessarium est etiam sensibilia accipere, vel quia invisibilia Dei manifestantur in his quae sunt operata in mundo, Theologi inspiciunt quaedam civiliter, et legaliter: quia assumunt et loquuntur de civili scientia, sicut in qua manifestatur divina justitia. Et quaedam inspiciunt mundative et incontaminate, et hoc quantum ad ea quae accipiuntur sine materia in philosophia, quae etiam Theologi assumunt, et quaedam humane quantum ad naturalia ex quibus scientias accipimus, et medie quantum ad mathematica quae sunt separata secundum rationem et non secundum esse, et quaedam supermundane ei perfective quantum ad metaphysica in quibus ultimo perficitur intellectus humanus.