194. De sancta Elisabeth.
Ad Vesperas.

1. Pange Christo die isto

Laudes et praeconia,
Plebs fidelis, ut in caelis

Resonet melodia,
Nec discordet sed concordet

Vita cum symphonia.
2. Jubilemus et cantemus,

Dies est laetitiae,
Qua translata coelo nata

Regis est Hungariae,
Quae per fidem est jam pridem

Porta regni gloriae.
3. O felicem bellatricem

Contra carnis vitia,
Quae immundum vicit mundum,

Vicit et daemonia,
Sua vendens et impendens

Christo patrimonia.

4. Lepra cedit, mors obedit,

Ejus patrocinio
Caecis visus, moestis risus

Datur restitutio,
Tam pergendi quam loquendi

Discedit privatio.
5. Via vita dicet ita

Illi pro pauperibus:
Esurivi et sitivi

Languens sine vestibus,
Membris Christi subvenisti,

Veni cum felicibus.
6. Patri dato, dona nato,

Da sancto spiritui
Laudum dona cum corona

Decoris perpetui,
Ut in caelo Dei zelo

Possis, homo, perfrui.