195. De sancto Brinnolpho.

la. Pastor bone, Iesu Chrite,
Te exaltat chorus iste
Cum hymnis et laudibus,

1b. Qui Brinnolphum sublimasti
Et cum sanctis collocasti
In excelsis sedibus.

2 a. Clara fulgens parentela
Observavit abs querela
Suam pueritiam.

2 b. In scripturis sacris studens
Quaerit, sicut apis prudens,
Mellitam scientiam.

3 a. Sumens curam pastoralem
Non ambivit mundialem
Honorem, sed onera ;

3 b. Ad colendum hortum Dei
Non quiescit, sed diei
Portat aestus, pondera.

4 a. Eius lingua gratiosa
Gregem inter fructuosa
Ducit loca pascuae;

4 b. Terret lupos infernales,
Monstrat vias spiritales
Quietis perpetuae.

5 a. Suam carnem castigavit,
Ieiunavit et oravit
Servans castimoniam.

5 b. Christo passo sic compassus
Huius vitae complet passus,
Intrans caeli curiam.

6 a. Ipsum Christo conregnare
Et cum sanctis triumphare
Demonstrant miracula:

6 b. Caeci vident, muti fantur,
Claudi, surdi liberantur
A morborum macula.

7 a. Nos in terris desolati
Et ab hoste captivati
Invocemus inclinati
Huius patrocinia,

7 b. Ut a culpis sublevemur
Et virtutibus ornemur
Post mortemque collocemur
In caelesti patria.

8 a. Salve, regina caelorum,
Magna mater filiorum,
Adoptiva singulorum
In Christo credentium,

8 b. Propter sanctum hunc pasto-
rem,
Tuum verum laudatorem,
Pasce gregem, dona rorem
Gratiarum omnium.