Sermo II .

Dominica de Laetare., Ierusalem. Sermo fratris Bonaventurae apud Castrum Flebis coram populo, praesente provinciali totius Thusciae.

Est puer unus hic, qui habet quinque panes hordeaceos et duos pisces .

Circa animam cum Deo suo convivare volentem moraliter notantur quatuor, scilicet innocentia conversationis in nomine pueri; simplicitas intentionis in nomine unius; suavitas devotionis in nomine panissatietas refectionis in nomine piscium . Vel nota tria scilicet puritas unica in nomine pueri unius; multiformitas g ratiosa in nomine quinque panum; suavitas consummativa in nomine duorum piscium .

Circa hoc nota primo, quod quinque panes quos habet puritas unica in nomine sive innocentia conversationis et intentionis, et panes, quos omnem puerum Iesu Christi habere decet, sunt bi, scilicet panis eruditionis salutiferae; haec est doctrina sacra, non philosophica; Ecclesiastici decimo quinto : Cibabit illum pane vitae et intellectus et aqua sapientiae salutaris potabit illum.

Compunctionis amarae; haec est contritio vera, non simulata; Psalmus: Cinerem tanquam panem manducabam.

Orationis devotae; haec est ascensio interna , non terrena; tertii Regum decimo nono: Ecce, ad caput Eliae subcinericius panis et vas aquae.

Perfectionis evangelicae; haec est consummatio sancta, non mundana; Tobiae quarto : Panem tuum et vinum tuum super sepulturam iusti constitue, ut usque ad mortem Christum imiteris in omnibus.

Refectionis divinae; haec est cibatio sanctae eucharistiae, non animalis escae; Ioannis sexto: Ego sum panis vivus, qui de caelo descendi etc Si quit manducaverit ex hoc pane etc.

Primus panis frangitur solum sapientiam christianam amplectentibus; secundus, solum paenitentiam integram anhelantibus; tertius, solum gratiam divinam desiderantibus; quartus, solum vitam apostolicam imitari volentibus; quintus, solum eucharistiam sacram digne sumentibus.

Duo pisces horum quinque panum sunt: fides Divinitatis et fides humanitatis, qui quidem quasi duo pisces condiunt omnem cibum nostrum spiritualem.

Vel possumus dicere, quod quinque panes, hi sunt quinque refectiones affectus, quae ortum habent ex quinque considerationibus intellectus Nam ex consideratione: proprii peccati oritur panis compunctionis ; Psalmus : Cibabis nos pane lacrymarum.

Passionis Christi oritur panis afflictionis; Deuteronomii decimo sexto: Septem diebus comedes absque fermento afflictionis panem.

Defectus fratrum oritur panis compassionis; Ecclesiastae undecimo : Mitte panem tuum super transeuntes aquas.

Divini iudicii oritur panis timoris; Tobiae secundo :

Manducavit panem cum luctu et tremore.

Dilati onis praemii oritur panis devotionis; Psalmus: ''fuerunt mihi lacrymae meae panes die ac nocte, dum dicitur mihi quotidie: Ubi est Deus tuus ?

Duo pisces horum panum sunt contemptus praesentium et spes ''futurorum.

Vel quinque panes apud servum Dei, secundum beatum Bernardum, sunt hi, scilicet vilitas vestium, maturitas sensuum, frugalitas ciborum, irreprehensibilitas verborum et sermonum, pietas exercitiorum

Duo pisces horum, scilicet lectio et oratio.

Vel possumus dicere, quinque panes sunt: speculati o radiosa, affectio ignita, collatio sacra, demutati o sancta, transformatio pia.

Duo pisces horum panum sunt divini nominis reverentia, spiritualis laetitia.

Item possumus dicere, quod quinque panes evangelici sunt hi, scilicet gratia emundans, veritas illuminans, laetitia refocillans, virtus fecundans, rel igi o pulcrificans.

Duo pisces horum sunt pulcritudo charismatum, deiformitas virtutum.

Vel dicitur, quod quinque panes evangelici sunt: conscientia pura, vita recta, fama bona, intell ige ntia vera, doctrina sana; qui quinque panes designantur in rosa aurea, quam portat hodie domnus Papa, quae quidem est recta in stipite, pulcra in frondium venustate, rutilans in auri claritate, odorifera in musci suavitate, confortativa in balsami virtuositate.

Duo pisces sunt speculatio aeternorum et degustatio divinorum.

Vel possumus dicere, quod quinque panes evangelici sunt: paupertatis spiritus, humilitatis sensus, pietatis affectus, puritatis progressus, honestatis habitus

Duo pisces horum sunt affectus Christum imitandi, desiderium ad eum perveniendi.

Sed sciendum, quod qui vult habere hos panes simul, oportet, eum esse unum, id est unicum veritate intellectuum sacrorum; Isaiae quinquagesimo primo : Unum vocavi eum, id est ad unum radium veritatis.

Integritate sensuum singulorum; Canticorum quarto: Vulne rasti cor meum in uno oculorum tuorum et in uno crine colli tui.

Pietate affectuum Sanctorum; Actuum quarto: Multitudi nis credentium erat cor unum et anima una.

Religiositate actuum arduorum; Ecclesiastae septimo : Virumde mill e unum reperi.

Suavitate gustuum divinorum; Ioannis decimo septimo: Ut sint consummati in unum; et cognoscat mu ndus etc.

Oportet, eum etiam esse puerum per humilitatem obedientiae; primi Regum tertio : Puer Samuel ministrabat Domino coram Heli.

Per simpli citatem innocentiae; Lucae decimo octavo: Sinite pueros venire ad me etc.

Per sinceri tatem benevolentiae; Isaiae quadragesimo secundo: Ecce, puer meus etc.

Per integritatem munditiae; Proverbiorum vigesimo : Ex studiis suis intelligitur puer, si munda et recta sint opera eius.

Per serenitatem totius animae; Ieremiae trigesimo primo: Ephraim, si puer delicatus etc.