ALLOCUTIO 199

providentiae beneficio, ad catholicae veritatis centrum inclinare animi viderentur.

Nos quidem certe pervetusta Orientis gloria, et in omne genus hominum fama meritorum ipsa recordatione delectat. Ibi enim salutis humani generis incunabula, et christianae sapien- tiae primordia ; illinc omnium beneficiorum, quae una cum sacro Evangelio accepimus, velut abundantissimus amnis in Occidentem influxit. Neque interitura laus est virorum ex Oriente magnorum, quibus contigit ut afflatu auspiciisque veritatis catholicae ad omnem excellentiam niterentur, et sanctitate, doctrina , rebus gestis gloriam nominis sui ad posteros propagarent. Atque haec Nobiscum, Venerabiles Fratres , in animo considerantes, nihil tam cupimus atque optamus, quam dare operam , ut Oriente toto maiorum virtus et magnitudo reviviscant. Eoque magis, quod illic humanorum eventuum is volvitur cursus, ut indicia identidem appareant, quae spem portendunt, Orientis populos, ab Ecclesiae Romanae sinu tam diuturno tempore dissociatos, cum eadem aliquando in gratiam, aspirante Deo, redituros.

Quoniam igitur Nobis certum est, studiose, quoad possumus, institutum opus insistere , idcirco iamdiu cogitabamus, quo tandem modo cunctis ex Oriente populis singulare quoddam pa- ternae benevolentiae Nostrae testimonium praeberemus. Nunc vero idoneam , ut optabamus, occasionem nact i , benevolentem animum Nostrum publica eademque praeclara significatione te- stamur , suscepto consilio cooptandi in amplissimum collegium vestrum, Venerabiles Fratres, unum ex Episcopis Orientis virtute praestantissimis : qua re non uni dumtaxat, sed universis gra- tifican volumus.

Haud vos la tet , Venerabiles Fra t res , eos ex Armeniorum gente, qui ab hac Apostolica Sede postremo hoc tempore desci- verant, poenituisse facti, eoque, unde aberraverant, divini nu- minis benignitate rediisse. Iamvero in omni hoc pacificationis negotio Venerabilis Frater Noster Antonius Hassan valde Nobis industriam, caritatem, prudentiam suam probavit. Is quippe eximius vir, libet enim quod in ipso laudabile est commemorare, ad litteras, ad graviores disciplinas Romae adulescens institutus,