EX SECRETARIA BREVIUM 199

giosa familia laetari; novamque conditam fuisse in honorem S. Crucis in Statu de « Cearà » nuncupato, magno cum plausu voti compotum civium, qui Conlegium pro liberis instituendis iamdiu exoptabant; insuper Abbatiam S. Andreae in Belgio in- stauratam fuisse ut Congregationi Brasiliensi Ordinis S. Bene- dicti in perpetuum cedat auxilium, neque Nos latet aliquot iam Brasilienses adolescentes sese Benedictino Ordini mancipasse ut iterum in patria terra antiqua et venerabilis Congregatio re- novato cultu floreret. Felicis autem faustique huius eventus laus, ad Abbatem Generalem supradictum spectat potissimum, qui et impensum studium, et actuosam sedulitatem et acris in- genii vires in Benedictinae Brasiliensis familiae instaurationem naviter posuit.

Quo meritis praemium ferret, illum donec vivat Abbatis Generalis titulo auximus: nunc vero ut idem dilectus filius, at- que universa simul Benedictina Brasiliensis Congregatio novum sortiatur et singulare Pontificiae benevolentiae pignus, ut ma- gis incremento ac prosperitati Ordinis illius, eadem in regione, Nos prospiciamus, haec quae infrascripta sunt statuimus, edi- cimus, mandamus. Nimirum omnes et singulos quibus Nostrae hae litterae favent, peculiari benevolentia complectentes et a quibusvis excommunicationis et interdicti, aliisque ecclesiasti- cis sententiis, censuris et poenis si quas forte incurrerint, hu- ius tantum rei gratia absolventes et absolutos fore censentes, collatis consiliis cum VV. FF. NN. S. R. E. Cardinalibus Con- gregationi negotiis et consultationibus Episcoporum et Regu- larium expediendis praepositis, omnibus rei momentis attente perpensis, motu proprio, ac ex certa scientia et matura delibe- ratione Nostris, deque Apostolicae Nostrae potestatis plenitu- dine, praesentium vi, Sedem Abbatis Generalis Congregationis enunciati Ordinis S. Benedicti in Brasilia constitutae, a Mona- sterio S. Sebastiani de Bahia ad Monasterium B. Mariae Vir- ginis Montisserrati, vulgo S. Benedicti, Fluminis Ianuarii, trans- ferimus ac translatum esse declaramus. Oportet enim quo fa- cilius Congregationis universae regimen gerat, Abbatem Gene- ralem penes civilis gubernii et Apostolicae Nunciaturae Sedem commorari; et summopere decet in ipso intellectuali magnae Brasiliensis nationis centro, Ordinem scientiarum ac literarum laude clarissimum principem sedem habere.

Praeterea auctoritate similiter Nostra, dilectum filium Do-